La Toya: Michael është vrarë!

Motra e mbretit të vdekur të popit, La Toya Jackson është e bindur se vëllai i saj është vrarë. Sipas saj, njerëzit me të cilët ai ishte i rrethuar i jepnin ilaçe në mënyrë që të mundnin ta kontrollonin dhe shfrytëzonin.

La Toya ishte në raportet më të mira me Michael dhe pikërisht ajo nënshkroi certifikatën e vdekjes. Në intervistë për Daily Mail britanik, flet se vëllai i saj i vetmuar dhe më te manipulonin personat që dëshironin vetëm paratë e tij. Pikërisht ata persona ajo i akuzoi për largimin e Michael nga familja e tij dhe miqtë, por edhe për nënshkrimin e marrëveshjes sipas së cilës do të duhej që ai të mbante 50 koncerte në Londër.

Ajo pohon se ata e shfrytëzonin Michael dhe i jepnin ilaçe të ndryshme në mënyrë që ta kontrollonin dhe ‘rrjepin’ ngadalë.
Ndonëse rezultati i autopsisë zyrtare nuk do të dihet për edhe së paku 2 javë, La Toya ndreqi punën që të kryhet edhe një autopsi private, e sipas rezultateve të kësaj autopsie në qafen e Jackson janë zbuluar katër shpurje të freskëta me gjilpërë.

“Besoj se Michael është vrarë dhe këtë e ndjeja qysh nga fillimi. Në këtë nuk ishte përfshirë vetëm një person, por më shumë të tillë. Ai ishte i rrethuar me njerëz të këqij, ndërsa Michael ishte person i dashur të cilin të gjithë e donin. Njerëzit e shfrytëzonin këtë. Para më pak se një muaj kam thënë se mendoj se Michael do të vdes para koncerteve në Londër sepse ishte i rrethuar me njerëz të cilit nuk kujdeseshin fare për interesat e tij. Michael vlente më shumë se një miliard dollarë. Kur dikush vlen aq shumë, gjithmonë ka njerëz të këqij rreth tij. I kam thënë edhe familjes se ai s’do t’ia del që t’i mbaj ato koncerte në Londër.
Ai vlente më shumë i vdekur sesa i gjallë”, tha e përlotur La Toya.

Përveç kësaj, La Toya zbuloi edhe disa detaje dhe thotë se Michael nuk u gjet në shtrat, siç është thënë por në dhomën e afërt të mjekut të tij dr. Conrad Murray. Afër shtratit ishte një shishe me lëndë të shkrirë të intravenozës dhe një tjetër me oksigjen.
Për herë të fundit ajo e ka parë vëllaun tri javë para vdekjes, në kremten e 60 vjetorit të martesës së prindërve të tyre në restorantin e preferuar të Michael në Beverly Hills. Kur ajo arriti në aheng, Michael ishte aty në shoqërinë e fëmijëve të tij: ‘Qëndronte para derës dhe më tha se dukem mirë. Ishte i dobët megjithatë gjatë tërë natës vetëm ka ngrënë. Ai e pëlqente curry dhe kënaqej me të. Në fund më përqafoi dhe më tha se duhet ta përsërisim tubimin e tillë.

Atëherë shkoi drejt derës më shikoi dhe më bëri me dorë. Atëherë e pash për herë të fundit vëllaun tim më të ri”, shtoi La Toya. Tutje thotë se edhe tregim se ishte tullac dhe se ma grim duhej tmerrshëm janë trillime,. Ndërsa veçon se Michael asnjëherë nuk do të varroset në Neverland sepse filloi ta urrente atë vend pas padisë së dytë për keqtrajtim fëmijësh.

Ndihmësi shumëvjeçar i Michael, Michael Amin e thirr La Toya pasi që ajo arriti nga spitali në shtëpi, ai i tha se menaxheri i Michael, dr. Tomhme Tohme e largoi nga puna të gjithë personelin e viles në Beverly Hills dhe në shtëpinë me qira në Las Vegas.
“Dua të di se si vdiq Michael, dhe pse i tërë personeli brenda 23 orësh të asaj dite kur ai vdiq u largua nga puna. Për këtë dyshoj edhe më shumë”, tha ajo e cila është e bindur se njerëzit të cilët ishin afër Michael e nxitën atë që të përdorë gjithë ato ilaçe dhe ngadalë shpenzonin paratë e tij. Përveç kësaj i dhanë një tempo vrasëse të punës dhe 50 koncerte të cilat as dikush me shëndet të përsosur nuk mund t’i bëjë ashtu.

Thotë se vëllai i saj rregullisht mbante rreth 1 milion dollarë kesh në shtëpi, ndërsa kur ajo erdhi në shtëpinë e tij as ato para nuk ishin, po ashtu as koleksioni i tij i stolive.
Tash, siç thotë, detyra e saj është që të kujdeset për fëmijët të cilët nuk dinë shumë për botën e jashtme ngase asnjëherë nuk kanë shikuar TV. Nuk shkojnë në shkollë, sepse ata mësojnë në shtëpi dhe shikojnë vetëm filmat e Disney.