Do ta mbajë gjyshin sa më larg fëmijëve!

Ish-bashkëshortja e Michael Jackson, Debbie Row dhe nëna e tij Katherine arritën marrëveshje që t’i mbrojnë fëmijët e mbretit të popit sa më larg gjyshit të tyre, shkruan Daily Mail. Avokatët e Row dhe Katherine Jackson deklaruan se ato dy u takuan të premten dhe biseduan për atë se si ta largojnë Joseph Jackson nga jeta e fëmijëve.

Sipas marrëveshjes, Katherine do të kujdeset për fëmijët, siç edhe është parashikuar me testamentin e Michael, ndërsa Debbie e cila do të heq dorë nga kërkesa për kujdestari mund të qëndrojë me fëmijët sa herë që dëshiron. Seanca e caktuar për sot, përsëri u anulua për 20 korrik, sepse Debbie Row dhe Katherine Jackson kanë nevojë për kohë që të merren vesh për detajet, shkruan ditorja britanike.
“Gjëja e fundit të cilën do ta donte Debbie është që Joe të kujdeset për fëmijët dhe të kalojë nëpër atë çfarë kaloi Michael”, tha një burim anonim për ‘Sunday Mirror’.

“Përderisa ishin bashkë, Michael ia hapi zemrën dhe i tha se sa e urren babain e vet dhe gjithçka çfarë i bëri ai. Edhe Katherine e di se më e mira është që ato të dyja të merren vesh jashtë gjykatës”.
“Ato s’mund t’ia ndalojnë Josephit që t’i takojë fëmijët në tubime familjare dhe kremta, por munden dhe do të luftojnë që ta parandalojnë që ai të merr çfarëdo roli në edukimin e tyre”, shtoi burimi i afërt me familjen. Në vitin 2007, Michael Jackson akuzoi babain e tij, të cilin nuk e përfshiu në testament se e rrihte kur ishte fëmije. Prejse Michael befasisht vdiq më 25 korrik, Joe Jackson vazhdimisht po flet për potencialin skenik të tre fëmijëve.

“Po e shikoj Paris dhe e shoh se ajo dëshiron të bëjë diçka, ndërsa Blanket, ai vërtetë di të vallëzojë”, tha babai i këngëtarit të ndjerë. Pavarësisht nga atë që nuk jeton me Katherine tashmë pesë vjet, ai insiston në kujdestari të përbashkët mbi nipërit e vetë.
“Duhet t’i bëjmë të lumtur, t’i ushqejmë si duhet dhe t’i lëmë të pushojnë, flenë, rritën dhe të bëhen Jackson të fortë”, tha Joe. Fëmijët momentalisht po jetojnë në pronën e Jackson në California.

A do të ketë Jackson 3?

Joe Jackson gjithashtu planifikon që të formojë grupin e ri, Jackson 3 me fëmijët e Michael, pavarësisht faktit se anëtarët tjerë të familjes po e akuzojnë se vetëm dëshiron t’i shfrytëzojnë njëjtë sikur edhe Michael.
Ish-menaxheri i Jackson 5, tha se Joe e pyeti Prince Michael, Paris dhe Blanket që të paraqiten vitin e ardhshëm.
Ndërsa Jan Halpering, biografi i Michael Jackson tha se Joe dëshiron që fëmijët të shkojnë në turne botërore në vitin 2010.
“Ai gjithashtu ofroi kontrata për xhirime me nipërit. Tash thotë se do t’i dërgojë në turne”, tha Haplering duke shtuar se burimi i cili ia dhe këtë informatë është i afërt me Jacksonët dhe se ndoshta do të dalin në publik me pohime të tilla.
“Burimi tha se Joe planifikon që ta bëjë këtë pavarësisht nga të gjitha”, tha Halpering për ‘Sun’.