E premte 13!

Për supersticiozët numri 13 konsiderohet ters, por kur ai bashkohet edhe me një të premte e cila gjithashtu sipas besëtytnive shihet si e tillë, njerëzit që besojnë tek fati dhe gjërat e paracaktuara zakonisht i shtyjnë udhëtimet, lëvizjet apo nismat në një ditë tillë të tillë.

Besimi se e premtja është një ditë e mallkuar lidhet më së shumti me besimin e krishterë, nisur nga fakti se dita kur u kryqëzua Krishti ishte e premte, ndërsa numri 13 në besimin e krishterë shihet si numër ters pasi dishepulli që tradhtoi Krishtin, Juda ishte i 13-i mes dishepujve.

Ndërkohë për supersticiozët, 13-a është numër ters pasi prish harmoninë e numrit 12, i cilësuar si ‘numri i bukur’, numër simbolik i pranishëm në folklorin e të gjithë popujve të botës, si reflektim i 12 muajve të vitit, 12 numrave të orës, 12 perëndive të Olimpit, 12 fiseve të Izraelit, 12 apostujve të Jezusit, 12 ndjekësve të Muhamedit në besimin islam shiit, 12 shenjave të zodiakut.

Edhe pse për shumë njerëz mund të duket e parëndësishme, kombinimi fatal i të premtes dhe 13-ës, për 60 milionë njerëz të tjerë në botë do të thotë që atë ditë të heqin dorë nga shumë gjëra duke preferuar në këtë mënyrë që të mos i dalin tersit përpara./ikub/