Historitë e jashtëzakonshme të njerëzve të dashuruar me sende!

Objektofilia njihet shkencërisht si dëshira emocionale dhe shpesh romantike që sjell ndërtimin e marrëdhënieve të caktuara me objekte pa shpirt. Për njerëzit që e përjetojnë këtë gjendje, dashuria me të tjerë njerëz është shpesh e pamundur, duke qenë se ndihen të tërhequr, besnikë dhe të dashuruar pas sendeve të caktuara. Zakonisht këta njerëz besojnë tek animizmi ose besimi që sendet kanë shpirt, inteligjencë, ndjenja dhe mund të komunikojnë.

Historitë e jashtëzakonshme të njerëzve të dashuruar me sende:

1. Në vitin 2007, Liu Ye nga Kina vendosi se ishte më mirë të martohej me veten sesa të mbetej përgjithmonë beqar. Ceremonia u krye me të pranishëm burrin kinez dhe një poster të printuar të tij të veshur me të kuqe. Të njëjtën gjë kishte bërë katër vite më parë edhe një artiste, Jennifer Hoes. Zgjidhja i pëlqeu edhe një 30-vjeçareje nga Tajvani Chen Wei Yih, që vendosi të martohej me veten në ditëlindjen e saj të 30.

2. Në vitin 2006, një grua indiane pretendoi se kishte rënë në dashuri me një gjarpër dhe më pas u martua me të sipas ritualeve vendase. 2000 veta morën pjesë në ceremoni, me besimin se do t’u sillte fat të mirë.

3. Pas 15 vitesh sorollatjeje në gjyqe, një britanike arriti të martohej me një delfin, të cilin e quante dashurinë e jetës së saj dhe me të cilin kishte rënë në dashuri me shikim të parë.

4. Një fermer nga India mendoi se martesa me një qen do t’i sillte atij fatin e dëshiruar dhe do ta shëronte nga paaftësia trupore, ndaj ai vendosi ta pranojë.

5. Një punonjës poste në Gjermani vendosi të martohej me macen e tij, kur mësoi se ajo ishte e sëmurë dhe do të ngordhte. Ndonëse martesë jo zyrtare, një aktore luajti rolin e nëpunësit të gjendjes civile.

6. Një ish-ushtare u martua me kullën Eifel në vitin 2008, pas një romance të gjatë.

7. Në vitin 1979, Eiia Riitta Berliner Mauer u martua me murin e Berlinit pas një historie të gjatë dashurie. Ajo shprehej se kishte rënë në dashuri me murin që fëmijë, kur e kish parë fillimisht në televizor. Për këtë ajo ndryshoi edhe mbiemrin, duke shtuar Muri Berlinez.

8. Amy Wolfe një njujorkeze është aktualisht e martuar me një lodër në parkun e lojërave. Deri më tani ajo i ka hipur trenit të shpejtësisë 3000 herë.

9. Të gjithë jemi të dashuruar me shtratin dhe jastëkun tonë në mëngjes, kur nuk na bëhet të ngrihemi. Por kinezi Lee Jin-gyu shkoi më larg se kaq. Ai vendosi të martohej me jastëkun e tij në vitin 2010.

10. I frikësuar se një grua e vërtetë do t’ia shpenzonte të gjitha paratë, një burrë nga Miçigani vendosi të martohej me një kukull plastike që do t’i kushtonte fare pak dhe mbi të gjitha do të ishte e heshtur.

Eksperienca erotike me sendet

Është e vërtetë që forma e objektit me të cilët janë dashuruar njerëzit ka shumë rëndësi në llojin e marrëdhënies që do të ndërtohet. Por ky problem është zgjidhur në mënyrë shumë pragmatike prej njerëzve që i shohin sendet si objekte seksuale.

Sandy K., e dashuruar pas kullave binjake, porositi një mostër të njërës prej kullave në shkallën 1:1000. Modeli i përngjiste origjinalit dhe ishte prej metali, gruaja tani e merr me vete kullën ngado që shkon.

Mesa duket kufijtë e kapacitetit njerëzor janë shumë të pakta kur vjen puna për eksperiencat erotike. “Ne shtrihemi së bashku në shtrat”, shpjegon ajo, “dhe kjo është shumë eksituese për mua”. Studenti i psikologjisë, Bill Rifka, i cili është 35 vjeç dhe në një marrëdhënie me një laptop iBook, pranon se shpesh flirton edhe me laptopë të tjerë në eBay dhe ndien një dëshirë të madhe seksuale. Ashtu si të gjithë të dashuruarit pas sendeve, edhe Rifka i ka dhënë tashmë një gjini partnerit të tij seksual. Për të, laptopi është një mashkull, pra ata po përjetojnë një marrëdhënie homoseksuale.

Edhe Doro B., një 41-vjeçare që ka rënë në dashuri me një makineri të përpunimit të metalit, tregon se e do shumë partnerin e saj. Marrëdhënia e tyre është shumë e rëndësishme për të, ndonëse shprehet se e tradhton ndonjëherë me makinerinë e faksit. /ikub/