Lindin vajzë, e quajnë Facebook!

Shumë shpesh thuhet se disa njerëz nuk janë gati për tu bërë prindër dhe kjo gjë duket se ekziston. Në Meksikë prej lumturisë së lindjes së fëmijës, prindërit e një vajze vendosën që ta quajnë të voglën e tyre me emrin Facebook.

Por përballë kësaj zgjedhje të rrallë të emrit, autoritetet ndërhynë për të ndaluar që fëmija të mbante këtë emër, pasi sipas tyre me rritjen e saj, vajza mund të bëhej pre e sharjeve dhe keqtrajtimeve nga shokët.

Tronditja nga zbulimi i emrit Facebook, shtyu autoritetet që të bënin një kërkim në regjistrat e emrave, duke hartuar një listë të emrave të ndaluar. Mes tyre bien në sy emra si Lady Di, Hitler, Harry Potter, Batman, Terminator, Robocop, Rambo, Rolling Stone, James Bond etj.

“Objektivi është hartimi i një ligji që ti mbrojë fëmijët nga emrat e çuditshëm, emra të cilët nuk kanë asnjë lloj kuptimi”, u shpreh për mediat Cristina Ramirez, njëra nga zyrtaret meksikane e cila po merret me këtë rast. /BS/