Aksidentohen me vdekje 2 kalimtarë. Plagosen 5 pjesëtarë të një familjeje

Dy të vdekur dhe 5 të plagosur janë shënuar sot në aksidenteve të ndryshme në vend. Dy kalimtarë janë aksidentuar për vdekje në zonën e plazhit të Durrësit, ndërkohë që 5 pjesëtarë të një familjeje kanë mbetur të plagosur rëndë, teksa makina me të cilën udhëtonin është përmbysur dhe ka dalë nga rruga.

DURRËS- Dy persona kanë humbur jetën në dy aksidente të ndryshme që kanë ndodhur në Durrës. Sipas burimeve të policisë mësohet se të dy aksidentet janë regjistruar në zonën e plazhit dhe viktimat janë dy kalimtarë, njëri prej të cilëve i goditur nga një motor dhe tjetri nga një makine me targa të Tiranës.
Sipas burimeve, njëri prej viktimave ka ndërruar jetë në spital, ku u dërgua për mjekim, ndërkohë që tjetri ka gjetur vdekjen menjëherë.
Policia ka mbërritur në vendet e aksidenteve dhe ka bërë shoqërimin e drejtuesve të automjeteve në komisariat, ndërkohë që po hetohet për të zbardhur shkaqet.


Librazhd-Peshkopi- Anëtarët e një familjeje kanë mbetur të plagosur në një aksident në aksin Librazhd-Peshkopi. Sipas njoftimeve policore, dy prej anëtarëve të familjes, Petrit dhe Edi Koxha kanë mbetur të plagosur rëndë dhe janë dërguar nga policia në spitalin e Elbasanit. Ndërkohë, tre të tjerë, Besim, Xhevdet dhe Blerina Koxha kanë mbetur të plagosur me plagë të lehta dhe sipas mjekëve janë jashtë rrezikuar për jetën.