Eklipsi diellor më i gjatë i shekullit. Moti i keq prish 'magjinë'

Eklipsi u vërejt më së pari në agim në Indinë lindore pranë qytetit të Guahatit përpara se të spostohej në Veri dhe Lindje në Nepal, Burma, Bangladesh, Bhutan dhe Kinë.
Turistë, astronomë dhe rezidentë kryq e tërthor një brezi të konsiderueshëm në Azi, kthyen sytë kah qiejt sot për pritjen e eklispsit më të gjatë të shekullit 21.


Vrojtimi për shumë u pengua nga re të rënda shiu, por shtjellimi i eklipsit të plotë - me mbulesën e errët që mbuloi një rrip globi përgjatë kontinentit të Azise - ishte e pagabueshme.
Jiaxing në provincën e Zhejiang-ut, e piketuar nga Observatori Kombëtar Astronomik i Kinës si një nga pikat më të mira për të pare fenomenin, u përmbyt nga shirat pas shumë ditëve moti të mire. Parashikuesit kishin paralajmëruar se të teta pikat e piketuara për vrojtim do të vuanin nga moti i keq.

Rreth një mijë u mblodhën në sheshin public për një ceremony zyrtare për rastin. Kishte thirrje gëzimi kur një rreze dielli grisi retë pak përpara eklipsit që duhej të niste në 8.22.20.
Vizitorët rrëmbyen syzet e tyre të errëta duke ndjekur udhëzimet që paralajmëronin për dëmtim të shikimit nëse eklipsi shihej me sy të lirë.
Shanset për tu përdorur syzet e errëta do binin në zero pasi pas momentit efemer të rrezes rebele, një shi i rrëmbyeshëm do niste ne 6 prej pikave nga ku mund të vezhgohej eklispsi në Jiaxing, Zhejiang.
Fenomeni nisi në agim në brigjet perëndimore të Indisë, kaloi mbi Surat, Indore, Bhopal, Varanasi dhe Patna, sipas burimeve të NASA-s. U spostua përmes Nepalit, Burmës, Bangladeshit dhe Bhutanit e në vijim përgjatë luginës së JanCe-se në Kinë, shtëpi për një popullsi prej 300 milionë banorësh.

Rreth 100 000 njerëz u kthyen kah qielli në Taregna, Indi, për të vëzhguar eklipsin.
Dhjetëra mijëra njerëz u larguan të zhgënjyer nga vendi më I mirë në Indi për të vrojtuar eklipsin diellor pas vrenjtjes së qiellit. Qiell vrojtuesit u zhgënjyen nga Zotat e Motit. Re të dendura plangprishëse dhe një qiell i vrenjtur prishën pritshmëritë e dhjetëra mijërave të mbledhur për të parë eklipsin diellor. Astro fizikantët dhe shkencëtarët kishin shënuar fshatin si epiqendrën e eklipsit. E megjithatë, e gjitha rezultoi një zhgënjim gjigand për rreth 100 mijë njerëz - përfshi kryeministrin e shtetit - i cili ishte tërhequr në fshatin e tij për të vëzhguar spektaklin qiellor.
Një bulletin I NASA-s ka deklaruar se prej Taregnas, eklipsi diellor mund të ishte i dukshëm për të paktën 3 minuta e 38 sekonda. Por në momentin kryesor, në 05:29 me kohën locale (2359GMT) - re shiu mbuluan qiellin dhe refuzuan të spostoheshin qoftë dhe një grimë. Kryeministri Nitish Kumar nuk ndali s'i bëri apel turmës të qëndronte e durueshme dhe optimiste.