Standartet e zgjedhjeve shqiptare, sërish mosbesim në BE

BRUKSEL- Ndërkohë që Islanda nis të hënën rrugëtimin drejt anëtarësimit në Bashkimin Europian, vendimi për Shqipërinë do ende kohë të merret.
"Shqipëria paraqiti kërkesën e saj për të hyrë në BE në muajin prill. Por kjo kërkesë ka ende kohë për t'u marrë në konsideratë"- thuhet në nje shkrim te Reuters.
"Kërkesa nuk është marrë ende në konsideratë nga shtetet anëtare, bazuar në shqetësimet që janë krijuar gjatë procesit zgjedhor dhe kundërshtitë që kanë disa shtete anëtare për zgjerimin e BE-së"- thuhet më tej.
Ditën e hënë mësohet se do të diskutohet perspektiva e anëtarësimit të vendeve të Ballkanit Perëndimor dhe theksohet se kërkesa e Shqipërisë do të shqyrtohet pas mbylljes zyrtare të zgjedhjeve.
Ndërkaq, për Islandën, ministrat e jashtëm të BE-së do t'i kërkojnë të hënën Komisionit të bashkëpunojnë për të vlerësuar gradën e përgatitjes së vendit për kandidaturën formale dhe të nisë negociatat.