Nga sot, "Facebook"-u ruan edhe atë që do lexoni më vonë!

Ndodh gjithmonë e më shpesh që të hyjmë në Facebook dhe të shohim në "News Feed" diçka interesante, por nuk kemi kohë në atë moment për ta lexuar. Aq sa shpesh e lëmë me mendjen se mund ta shohim më vonë. Por ja që zakonisht e harrojmë dhe nuk dimë më sesi ta rigjejmë. Mirëpo nga sot, ky problem ka një zgjidhje dhe quhet "Save". Ky është funksioni më i ri i futur nga Facebook, që i lejon përdoruesve të ruajnë linke, vende dhe përbërës të tjerë që i konsiderojmë interesantë për t'i shikuar në një tjetër moment, kur të duam.