Ello, rrjeti i ri social që i lëshon sfidën Facebook-ut!

"I thjeshtë, i bukur dhe i lirë". Jo vetëm kaq, edhe pa publicitet dhe i hapur për komunitetin LGBT. Ky është "Ello", rrjeti i ri social i pavarur që po përpiqet të sfidojë Facebook. Mund të thuhet se po kalon një moment lavdie: në javën e parë të provës, më shumë se 31 mijë përdorues e eksperimentuan, duke pranuar se kanë mbetur të kënaqur. "Këtu mund të jem vetvetja", shkruan një përdorues në Twitter, i ndjekur nga komente të tjera pozitive.

Por nëse Facebook regjistron më shumë se 1 miliard përdorues në muaj, përse të krijohet një rrjet social i ri? Atëherë, pse sfidohet gjiganti i Zuckerberg? Krijuesi Paul Budnitz shpjegon arsyen: "Kemi dëgjuar ankesat e përdoruesve të Facebook, edhe ato mbi detyrimin e emrit të vërtetë për transët e 'drug queen" dhe polemikat mbi censurën. 'Ello' i jep mirëseardhjen komunitetit LGBT. Duam që të paraqitet si një rrjet i ri social, me një koshiencë dhe manifest për t'u respektuar".

Manifesti flet për reklamën, duke paralajmëruar mbi faktin që rrjeti social që zakonisht përdorim është në pronësi të reklamuesve: "Çdo postim që publukon, çdo mik që bën, çdo link që klikon është i gjurmuar, regjistruar dhe i konvertuar në të dhëna. Reklamuesit i blejnë dhe të shfaqin spotet e përshtatshme për ty. Prandaj, ti bëhesh produkti - lexohet në faqen zyrtare -. Ne besojmë se ka një mënyrë më të mirë. Besojmë në thjeshtësinë, në bukurinë dhe transparencën. Besojmë se njerëzit që krijojnë gjërat dhe ato që i përdorin duhet të shkojnë dakord dhe të punojnë bashkë". Domethënë, sipas ideatorëve, Ello nuk është krijuar për të përfituar, por thjesht për të qenë një vend 'lidhës'. Asgjë më shumë. Ndryshe nga Facebook, ky rrjet ka vendosur masa për privatësi dhe për mbrotjen e përdoruesve, gjë që të tjerët nuk e kanë. Praktikisht, "Ello" është ndërtuar duke menduar për rrjetin social që të gjithë do të donin. Madje s'do të ishte gabim të thuhej se ka dalë në dritë ekzaktësisht e kundërta e Facebook! Po a do të ngjtet dot mbi rrjetin më të famshëm? Vetëm koha do ta tregojë.