Mediat e huaja komentojnë nismën e Berishës për martesat gay

Mediat e huaja kanë komentuar sot deklaratën e fundit të kryeministrit Sali Berisha për legalizimin e martesave homoseksuale në vendin tonë.
Në një artikull, The Associated Press shkruan se vendi ynë e ka shumicën e popullsisë myslimane dhe se e drejta e besimit ndalohej gjatë periudhës së regjimit komunist në vitet 1944-1990.
Duke iu referuar deklaratës së Berishës, AP shkruan se projekt-ligji mund të ndezë debat, "por ishte i nevojshëm për të ndaluar diskriminimin kundër çifteve homoseksual. Ligji aktual njeh vetëm heteroseksual martesave".
Për të njëjtin argument, britanikja "Pinknews" bën të ditur se komisionerët e Këshillit të Europës për të drejtat e njeriut kanë vënë në dukje problemet që vuajnë homoseksualët në Shqipëri.
Gazeta "Earthtimes" në faqen e saj online shkruan: "homoseksualiteti dënohej me 10 vite burg në periudhën e komunizmit".