Topi, testament me 35 mijë euro e 2 milionë lekë nga i ati

I ati i Presidentit, Myrteza Topi, i ka lënë me testament kreut të shtetit 35 mijë euro dhe 2 milionë lekë të reja. Gjatë vitit 2008 kreu i shtetit ka deklaruar në ILDKP se ka shpenzuar 1.7 milion lekë të reja për shpenzime për ndërtimin e një banese me sipërfaqe 101.87 m2 dhe 1 milion lekë për mobilimin e saj. Presidenti ka marrë në formë testamenti nga i ati tokë me sipërfaqe 1070 m2 në Shkozë dhe tokë me sipërfaqe 5400 m2 në Linzë dhe Shkozë. Por në të njëjtën kohë, ai ka paguar gjatë vitit 2008 58 mijë lekë të reja për një kredi për shtëpi banimi nga Enti Kombëtar i Banesave si dhe 4 mijë euro për studimet e vajzës Nada Topi në Universitetin “Luarasi” në Tiranë. Të ardhurat nga posti i Presidentit janë 2.4 milion lekë të reja, ndërkohë që të ardhurat e bashkëshortes, e cila punon në Ministrinë e Bujqësisë janë 1.01 milion lekë.

Bamir Topi

- Shpenzime për ndërtimin e një banese në Tiranë (pronë e trashëguar nga prindërit) për vitin 2008 1.750.000 lekë
- Mobilim dhe pajisje për banesën 1 milion lekë
- Pakësim në llogarinë në Credins Bank 2.500.000 lekë
- Shtesë në llogarinë në Raiffeisen bank 749.245 lekë
- Gjendje cash (testament i nënshkruar nga i ati) 35.000 euro; 2.000.000 lekë
- Tokë arë në Shkozë (1070 m2); tokë arë në Linzi dhe Shkozë (5400 m2) nga testamenti i nënshkruar nga i ati)
- Të ardhura nga paga e shpërblime si president 2.483.020 lekë
- Të ardhura nga paga e shpërblime nga bashkëshortja 1.011.915 lekë
- Të ardhura në formë burse e vajzës 45.000 lekë
- Të ardhura me burim nga testamenti i të atit 35.000 euro; 2.000.000 lekë
- Kredi për shtëpi nga EKB 58.000 lekë
- Detyrim për studime të vajzës Nada Topi 4.000 euro
- Shlyerje detyrimi në 08 për blerjen e një autoveture në vitin 2006 4.000 euro
- Shtesë në llogarinë rrjedhëse për pagat në BKT e Teuta Topit me vlerë 213.998 lekë