Një muaj pas zgjedhjeve, KQZ certifikon rezultatin. Ristani: Numërimi çaloi

TIRANË- Sot më 1 gusht, më shumë se një muaj nga votimet në Shqipëri, Komisioni Qendor i Zgjedhjeve shpall rezultatin përfundimtar të zgjedhjeve. Kryetari Arben Ristani lexoi përqindjen e votave dhe numrin e mandateve te cilat u votuan pro nga 7 anetaret. Rezultati eshte: 70 deputetë koalicioni i PD-së, 66 i PS-së, 4 i LSI-së.

Shpërndrja e mandateve kaloi nëpër një valë të nxehtë kontestimesh të opozitës. Ankimimet por edhe numërimi i votave zgjatën pafund shpalljen e rezultatit zgjedhor. Per vonesen ne shpalljen e rezultatit te zgjedhjeve, kryetari Ristani ia vuri fajin numerimit.

Në gjuhën e shifrave rezulton se Koalicioni Aleanca e Ndryshimit i cili kryesohet nga Partia Demokratike ka fituar 712.745 vota ose 46,92% të tyre ne shkalle vendi. Koalicioni Bashkimi per Ndryshim ka marre 688.748 vota ose 45,34 % të votave në shkallë vendi. Koalicioni Aleanca Socialiste per Integrim ka marre 84.407 ose 5,56% të votave.

Sipas Ristanit, kjo eshte panorama e tabeles perfundimtare te zgjedhjeve sa u perket koalicioneve e qe duke mbledhur shumen e mandateve plotesojne numrin e deputeteve qe do te jene ne Parlamentin e ardhshem.

PBDNJ, PR dhe PDI janë tre partitë e koalicioneve respektivisht e para e koalicionit të majtë dhe dy të tjerat të koalicionit të djathëqë anë mundur të marrin nga një deputet. Asnjë parti tjetër apo kandidat i pavarur nuk arriti në nxjerrë deputet në këto zgjedhje.

Sipas deklarimit të kryetarit të KQZ, Arben Ristani në zgjedhjet e 28 qershorit kanë marrë pjesë në votim 1.519.176 zgjedhës ose 50.77%, që votuan për 140 deputetët e ardhshëm të Kuvendit të ri të Shqipërisë. Numri i votave të pavlefshme ka qënë vetëm 2.7%.

Në zgjedhjet parlamentare të 28 qershorit morën pjesë 34 subjekte zgjedhore, të grupuara në katër koalicione, dy të djathta dhe dy të majta, përkatësisht koalicioni "Aleanca e Ndryshimit", "Poli i Lirisë", "Aleanca Socialiste për Integrim" dhe "Bashkimi për Ndryshim".

Deklarata e kryetarit Ristani: Gabim, vendet e numërimit të votave


Kryetari i KQZ, Arben Ristani konsideroi se zgjedhjet plotësuan standardet e vendosura. Sipas Ristanit, procesi i zhvilluar ishte i ndershëm dhe i lirë. Por, sipas kryetarit te KQZ, probleme pati sidomos me pushtetin vendor, dhe në caktimin e vendeve të numërimit të votave, që sipas kryetarit të KQZ, "këto vende mund të ishin përzgjedhur me mirë sec duhet". Ristani tërhoqi vërejtje edhe për trajnimin e komisionerëve që sipas KQZ, ishte i mangët. Sipas KQZ, mbetet për tu përmirësusr procesi i numërimit të votave, proces që solli dhe ngadalësim të shpalljes së rezultatit përfundimtar të zgjedhjeve.