Superliga, trainerët i falen pauzës së kombëtares

Ndërprerja e parashikuar e kampionatit, mundësi reale për skuadrat ende me vështirësi në dy javët e para


"...më shumë se kushdo tjetër e kërkojnë këtë pushim, dy skuadrat finaliste, kampionia Tirana dhe shkodranët e Vllaznisë.


Këta të fundit, vetëm me fatin afër si pjesë e lojës, por edhe me insistimin deri në fund, morën 3 pikët e evitimit të një krize, që pse jo, mund të kishte përfunduar edhe me ndonjë kokë pankine.


Tashmë vjen pauza dhe kështu skuadrat kanë një mundësi pushimi dhe fitim kohe për infermieritë".

Në fakt është një lëvizje që ishte parashikuar, apo një frymëmarrje për shumë skuadra, apo për disa trainerë që nuk kanë nisur aspak mirë këtë start superlige. Do të jetë skuadra kombëtare që do të ndeshet me Danimarkën në një kohë që trainerët shqiptarë do të kenë dy javë kohë, për të rimarrë edhe një herë situatën nën kontroll.


Dhe për këtë më shumë se kushdo tjetër e kërkojnë këtë pushim dy skuadrat finaliste, kampionia Tirana dhe shkodranët e Vllaznisë. Këta të fundit, vetëm me fatin afër si pjesë e lojës, por edhe me insistimin deri në fund, morën 3 pikët e evitimit të një krize, që pse jo, mund të kishte përfunduar edhe me ndonjë kokë pankine. Tashmë vjen pauza dhe kështu skuadrat kanë një mundësi pushimi dhe fitim kohe për infermieritë.


Traineri i Vllaznisë, Lika, mendon se kjo periudhë për të do të jetë shumë efikase, për të shkuar në montimin e plotë të skuadrës: "Kundër Apolonisë skuadra në tërësi luajti mirë dhe mendoj se kjo ndërprerje e kampionatit do na shërbejë për mirë, sepse skuadra do vijë duke u përmirësuar, ndërkohë që do rritet edhe forma e disa lojtarëve.


Vuajtëm por në fund dolëm me tre pikë. Presim këtë pauzë, dhe besoj se gjërat do të shkojnë për mirë. Disa futbollistë do të arrijnë formën e tyre optimale teksa edhe pushimi do të ndikojë". Në kampin fierak fati nuk ka qenë aspak me skuadrën e Karishik, që nuk është se ka prodhuar shumë, por ka rezistuar deri në fund.


Goditja fatale e Nallbanit ka bërë që skuadra të humbasë, por që gjithsesi ekipi ka reaguar dhe jo pak. "Skuadra ime në tërësi luajti mirë dhe menduam se do dilnim me pikë nga Shkodra. Nuk ndodhi kështu, sepse e thashë, që shkodranët ishin me fat se shënuan në fund, ashtu siç pati ndodhur edhe vjet në Fier, kur po në fund na pati mundur Vllaznia.


Ky është futbolli dhe fati dhe situatat në fund janë shpesh edhe pjesë e lojës",- do të deklaronte Karishik, që gjithsesi arriti të "djersisë" skuadrën shkodrane nga risku i mosfitores.
Tirana, kroati kërkon mentalitet ndryshe...


Ndryshe mendon nga ana tjetër traineri i Tiranës, Loncarevic, që më shumë se sa pauza, ai e ka problemin te mentaliteti i skuadrës. Edhe kundër Skënderbeut, ata janë koshientë vetë që e "vodhën" deri diku fitoren, por traineri godet në një tjetër pikë: "Përveç faktit që përsëri vuajmë mungesat, ne jemi munduar që të bëjmë maksimumin në këtë ndeshje.


Nuk kemi vjedhur asgjë, thjesht e kemi merituar gjithçka që kemi marrë sot. Por që duhet të ndryshojmë edhe mentalitet, kjo duhet patjetër, pasi janë luajtur vetëm dy javë kampionat dhe kemi bërë jo aq sa duhet.

Lojtarët kryesorë do të kthehen, por skuadra ka nevojë të kthejë mentalitet. Them me aq sa kam parë se Problemi ynë është se ne jemi shumë nervozë dhe duam që çdo gjë ta zgjidhim që në minutat e para. Kjo nuk shkon.


Sepse me kalimin e lojës kundërshtari nis e merr frenat e lojës. Përveç faktit që përsëri vuajmë mungesat". Kështu thotë traineri, teksa adrenalina e Tiranës është prej kohësh pjesë e saj, si skuadër që lufton në çdo front për trofe dhe që sezonin e nisi me trofe.


Dinamo 6 pikë, Muçën e kënaq pauza e kampionatit"


Por, skuadra që vazhdon të bindë është edhe Dinamo. Larg tashmë situatave të brendshme, që mesa duket janë asimiluar, pasi flet klasifikimi për to fare qartë, Dinamo bën të heshtë të gjithë.


Edhe pse kanë kaluar vetëm 2 javë kampionat, por me 6 pikë të plota në dy transferta. Pisha e Mallota, Delmonte e Puticanin në mbrojtje, ku prapa ka pasur një portjer të kujdesshëm si Kotorri ishin barrikada që nuk lejuan vlonjatët në minutat e para të ndeshjes të kalonin në avantazh.


Por, Flamurtari kaloi teksa Muca mendon vijimësinë: "Kemi gjashtë pikë dhe dy fitore të merituara, aq më shumë në transfertë, ndërkohë që tashmë kemi dy javë kohë për t'u përgatitur për takimin e radhës ndaj Teutës.


Do t'i shfrytëzojmë në maksimum ditët e ndërprerjes të kampionatit, duke synuar të përmirësohemi edhe më shumë në drejtim të kondicionit fizik". Në krahun tjetër te Flamurtari ka shumë nevojë për reflektim, pasi përvec startit të fuqishëm të sezonit, edhe pse gjeti një Tiranë me shumë mungesa, fryma euforike dhe ego "labe" ndoshta kanë dëmtuar deri diku skuadrën, pasi topi i tyre këtë radhë "u shfry" fare fort nga ekipi mik, Dinamo.


Teuta/ Josa: "Vuajtje e shpërblyer"


"Unë nuk mund ta quaj fitore të mundimshme, pasi e filluam ndeshjen me të gjitha premisat për ta mbaruar atë me pozitivitet.


Në përgjithësi jam i kënaqur me këmbënguljen dhe durimin e lojtarëve deri në fund të lojës. Ndoshta në 10 minutat e fundit duhet të qarkullonim më shumë topin me qëllim që mos i jepnim mundësi kundërshtarit të na godiste me topa të gjatë.


Në rastin e barazimit u bë një gabim, por ato lloj gabimesh bëhen dhe nga lojtarë më të mëdhenj. Ne u frikësuam pak, se Kastrioti na kapi dy herë në kundërsulm, me të cilat mund të na ndëshkonte.

Gjithsesi jam i kënaqur për marrjen e trepikëshit të parë në Durrës, që ishte i vlefshëm për fitimin e qetësisë. Ndërprerjen do ta shfrytëzojmë për të korriguar dhe ndonjë mangësi që shfaqëm në këto dy javë kampionat.


Një pauzë që do të ndikojë shumë mirë, pasi do të ketë një shplodhje, dhe një kohë më të madhe për të punuar me grupin. Kemi tre pikë, dhe kemi dy javë kohë thuajse të shohim dhe të modifikojmë diçka në lojën tonë".