Adela: Dua të bëj një këngë që flet për historinë time të dashurisë

Vajza e famshme nga shou Big Brother, Adelajda, ka thënë se ajo e do shumë muzikën dhe planifikon të bëjë së paku një këngë në të ardhmen.
“Duke qenë se unë e dua shumë muzikën, kisha dëshirë të bëja një këngë, thjesht për kënaqësi jo si punë. Gjithsesi është një projekt që është shtyrë në kohë por nuk është anuluar. Do më pëlqente të bëja një këngë që flet për historinë time të dashurisë”, citohet Adela nga Shekulli.
Ndërkohë, edhe pse këngëtari Sinan Hoxha ka mohuar çdo komunikim me Adelën dhe çdo propozim për të, në lidhje me ndonjë projekt, ajo ka thënë se Sinani i kishte ftuar bashkë me Bjordin, të merrnin pjesë në një videoklip të tij.

“Në fillim të verës Sinani na kishte ftuar së bashku me Bjordin për të qenë protagonist në një klip të tij por ky projekt nuk u realizua”, ka thënë Adela. /[b]