Mbretëresha B!

Beyonce ka dominuar në EMA – ka marrë tre çmime mbrëmë në ndarjen e MTV European Music Awards. Ajo ka lënë komplet nën hije Lady GaGa, e cila ka qenë e nominuar për pesë çmime por ka marrë vetëm atë “Best New Act”. “Classy Bey” është renditur në mesin e fituesve në Berlin pasi ka marrë çmimet Best Female, Best Song dhe Best Video.

Ajo po ashtu ka bërë një paraqitje të mirë me hitin e saj të ri, Sweet Dreams. Diva është paraqitur në skenë e shtrirë e veshur me një fustan të punuar nga sateni.

Burri i saj Jay – Z po ashtu ka bërë një paraqitje për t’u kujtuar për çiftin. Ai ka fituar çmimin Best Urban dhe është paraqitur me një këngë sensacionale të quajtur “Empire State Of Mind” në një xhirim në 3D para ndërtesave të mrekullueshme të New Yorkut.

Por, reperi është ankuar, sepse, sipas tij, nuk janë nominuar këngët që e kanë merituar.

“Po shikoj ditën kur ne mund të dëgjojmë muzikë të mirë. Qoftë ata nga Jonas Brothers apo Green Day. Të gjithë ne punojmë në studio”, ka thënë ai.

Definitivisht ishte një natë zonjash në Berlin.

Prezantuesja Katy Perry edhe njëherë ka treguar shijen e saj për veshjet e saja të çuditshme.

Shakira dhe Leona Lewis po ashtu kanë bërë një paraqitje shumë të mirë.

Por, nata më e keqe ka qenë për Lady GaGa e cila ka qenë e nominuar në pesë kategori.

Votuesit e MTV-së nuk ju dhanë asgjë rokerëve amerikan.

Mbizotëruesja e top-listave, Lady G ka qortuar mbrëmjen, duke zgjedhur që të qëndroj në Londër për të xhiruar film për turneun e saj të ardhshëm. Por, ajo është paraqitur në një video gjatë pranimit të çmimit të saj.

Pasi Green Day ka hapur shoun në sallën O2 World Arena, Katy ka dalë në skenë e veshur me një stil të vajzave si në kabare. Ajo ka vallëzuar rreth një karrige e veshur me tesha ushtarake gjermane me një kapelë dhe më një veshje të stilit estradesk.

Megjithatë, ka pasur edhe momente të tjera serioze të shout.

“The Jonas Brothers” janë paraqitur me disa lëvizje si të Michael Jackson duke kujtuar kështu këngëtarin dhe këngët e tij në Berlin.

Arsyeja që spektakli u mbajt në kryeqytetin gjerman ishte shënimi i njëzet vjetorit të thyerjes së Murit të Berlinit.

Madje festivali është konsideruar si njëri prej spektakleve më të mira të EMA-s.