Për martesë nuk kemi plane për momentin, ndërsa për bashkëjetesë nuk kemi qenë dakord asnjëri!

“Kam qenë pothuajse në të gjitha vendet në Kosovë, Ulqin, Tuz, Durrës, Golem, Strugë, Tetovë, Kërçovë, etj. Ajo këtë vit ishte së bashku me Robertin në pushime, për dallim nga vitet e kaluara kur pushimet i bënte me familjarët. “Ishim në fund të gushtit për disa ditë në bregdetin turk, në Belek, ishte shumë mirë kurse kaluam fantazi”.

Pas gjithë kësaj vere të lodhshme, dhe pas një pushimi të mirë, shtatori është mjaft frymëzues për të punuar disa këngë të reja, të cilat janë pothuajse gati për plasim, tregon këngëtarja Nora Istrefi në një bisedë të cilën e realizuam. Nora publikoi më herët këngën e vizuelizuar edhe me klip të titulluar “Vetëm mua”, e cila është akoma një hit i madh.

Kënga ''Vetëm mua'', ka qenë e pa ngarkuar dhe shumë e këndshme, nuk e kam ditur që është pëlqyer aq shumë, derisa filluan koncertet e verës ku të gjithë e këndonin së bashku me mua, derisa teksti nuk ka të bëj aspak me jetën time pasi është kryesisht produkt i Flori Mumajesit. Sa i përket klipit, e kam thënë dhe më herët që është realizuar në Prishtinë nga “Entermedia”, në atë kohë kur doli mendoj që përshtatej shumë mirë me këngën dhe këto janë kushtet e punës në Kosovë për momentin. Sa për shpenzimet, sigurisht që kanë qenë të mëdha.

Dy ditë të plota xhirimi pa ndërprerë në disa ambiente të ndryshme, pjesë e klipit kanë qenë edhe valltarët nga Shkupi, nuk po flas për shpenzime të tjera personale, dmth ka kushtuar mjaft edhe në kohë edhe në financa, tregon këngëtarja Istrefi. Edhe pse ishte pjesmarëse në festivalin “Top Fest” me një baladë shumë të bukur, këngëtarja rrëfen se doli shumë e zhgënjyer nga ky eveniment. “Të them të vërtetën u zhgënjeva shumë, nuk kam pasur asnjë këngë tjetër deri tash të realizuar aq mirë, mendoj që ka merituar më shumë se nga vlerësimi në atë festival, po kush e di?

Kam vendosur të mos ju ndahem festivaleve, nga inati (qesh) ishte një shaka, rëndësi ka që kënga, performansa e të gjitha këto të jenë shumë në nivel, trofetë që ndahen nga juria e festivalit nuk kanë dhe aq rëndësi”. Por, ajo as sivjet nuk do të mungojë nëpër festivale pasi tashmë emri i saj është rradhitur në listën e konkurentëve në festivalin “Kënga magjike-2009”. Edhe pse u përfol me të madhe që edicionin e kaluar Nora Istrefi u diskualifikua nga ky festival për shkak se nuk kishte një këngë komerciale, ajo tregon një version tjetër.

“Jo, nuk kam pasur në plan të shkoj vitin e kaluar, dhe mendoj që nuk është dashur të jem, nuk e di pse!”. Këtë vit ajo ka realizuar dy këngë, ku me njërën prej tyre mendon të paraqitet atje. “Në fakt kam bërë dy këngë dhe nuk mund të cek emrin e kompozitorit sepse nuk e di akoma se me cilën do të shkoj, kërkoj falje që nuk mundem të ju them asgjë më shumë”. Nora për momentin është një ndër emrat më të kërkuar dhe më të suksesshëm të estradës shqiptare. Tashmë një kohë të gjatë e fejuar me Robert Berishën, çifti akoma nuk mendojnë për martesë. “Jo, për martesë nuk kemi plane për momentin, ndërsa për bashkëjetesë nuk kemi qenë dakord asnjëri, bashkëjetesa është një lloj martese vetëm pa ceremoni, dhe shumë më lehtë shkon deri tek ndarja”.

Jeta e saj që nga fejesa nuk ka ndryshuar aspak. “ (Qesh), jo nuk mendoj që ka ndryshuar jeta ime, është e njejtë, jam e njejta pa asnjë ndryshim. Sa u përket thashethemeve, ato nuk mungojnë as tash, por nuk ua vë veshin aspak”. Më herët për këngëtaren filluan të flitet se është shumë xheloze, por ajo e kundërshton këtë fakt duke thënë se nuk është aspak xheloze pasi kjo gjë është pikë e dobët e saj. Deri tash ajo ka pasur disa bashkpunime tepër të suksesshme. Këngë të cilat dëgjohen me të madhe. Por kryesisht bashkpuntorët kanë qenë meshkuj.

A thua do shohim Norën në duet me ndonjë këngëtare? “Unë jam shumë për bashkëpunime, tregon ajo, kam pasur disa dhe kanë qenë duete të realizuara shumë mirë, besoj që do të kem përsëri bashkepunime me kolegë, por me meshkuj përsëri (qesh). Sikur një kompozitor të ofronte një këngë të nxehtë dhe e fton në një bashkpunim me një këngëtare në versionin Beyonce (ft) Shakira, Nora thotë se nuk do kishte pranuar. “Jo asnjëherë, sepse nuk do të kishim sukses, dueti Beyonce (ft) Shakira ka qenë këngë shumë e suksesshme dhe nëse bëhet diçka e tillë, do të kishte dalur një kopje e zbehtë, kishte qenë mirë bashkëpunimi mes dy këngëtareve të suksesshme por me ndonjë risi dhe origjinalitet”.

“Hmm të gjitha këngëtaret janë shumë të mira, por suksesi kishte qenë me atë të cilën do të përshtateshim, nuk e di! Nora ka disa vite që gjendet në skenën muzikore dhe deri më tani ka shkelur fortë duke fituar simpatinë e publikut me këngë dhe pamje. “Skena është e shejtë për çdo këngëtar, duhet patur shumë kujdes në çdo paraqitje, në skenë duhet të japësh çdo gjë nga vetja, edhe shpirtin, dmth të jesh një artiste, ndryshe nuk ka ndjenjë më të mirë”.

Shou bizi ndonjëherë është i ëmbël por ndodh të jetë shumë i tʹmershëm, raste të ngjajshme i kanë ndodhur edhe këngëtares Nora Istrefi. ”Ka pasur raste kur më kanë bezdisur pritjet dhe lodhjet e mëdha nga koncertet, xhirimet e ndryshme, por prap se prap pas një pushimi të vogël e shoh që s'mundem pa ato”. Kohëve të fundit janë bërë trend edhe operacionet plastike për zbukurime dhe menjanime të defekteve në fytyrë dhe trup. Si duket Nora nuk ka nevoje akoma për ndonjë intervenim të tillë.

“Jo, nuk mendoj njëherë në këto gjëra, fatmirësisht sʹkam nevojë dhe ju siguroj që sʹkam për të bërë një kohë të gjatë, për operacione plastike jam vetëm pas moshës 40 vjeçare, kur në atë kohë femra fillon të plaket, edhe nëse bëhet ndonjë intervenim jo i dukshëm, që të shton pak freski, ia vlen…”. Sa i përket angazhimeve gjatë stinës së verës, ajo ka qenë “full” dhe gjithmonë e angazhuar. “Kam qenë pothuajse në të gjitha vendet në Kosovë, Ulqin, Tuz, Durrës, Golem, Strugë, Tetovë, Kërçovë, etj. Ajo këtë vit ishte së bashku me Robertin në pushime, për dallim nga vitet e kaluara kur pushimet i bënte me familjarët.

“Ishim në fund të gushtit për disa ditë në bregdetin turk, në Belek, ishte shumë mirë kurse kaluam fantazi”. Këngëtarja Istrefi ka në plan realizimin e disa këngëve të reja të cilat thotë që të mbeten surprizë për fansat. Ajo gjithashtu do jetë pjesë e disa xhirimeve më të rëndësishme nëpër televizionet vendore me rastin e festave të fundvitit.