Vesa Luma, këngë e vjetër klip i ri!

Bëhet fjalë për këngën të cilën e ka realizuar kohë më parë me titull “Edhe një fundvit”. Kësaj balade, Vesa ka vendosur që t’i bashkëngjisë edhe një klip, i cili do jetë gati në ditët e para të muajt nëntor. “Klipi është realizuar në Maqedoni me Aleksandrin”, tregon Vesa. Sipas atyre që kanë parë skenat e xhirimit, tregojnë se klipi do jetë shumë interesant duke iu përshtatur edhe këngës.

Ka kaluar gati një vit që nga realizimi i këngës por nuk merret vesh pse Vesa ka vendosur pikërisht kësaj kënge t’i realizojë klipin duke pasur parasysh që këngëtarët realizojnë klipe këngëve të reja. Javë më parë ajo në profilin e saj në face book kishte hedhur disa foto ku shihej në studio të Flori Mumajesit për realizimin e një kënge të re.

Kujtojmë se këngëtarja u bë e njohur falë këngës, të cilën ia realizoi Mumajesi me titull “Jemi dhe s’jemi”. Pritet që edhe një hit të ri të hedhë në treg Vesa, por akoma nuk mësohet nëse të njëjtës këngë do i realizojë ndonjë klip.

Jeta e saj private kohëve të fundit ka qenë top temë nëpër media, por këngëtarja kategorikisht refuzon të përgjigjet për këtë temë, pasi ky sinqeritet i është keqpërdorur nga media të caktuara dhe dëshiron që Vesa Luma, tash e tutje të gjithë jetën private të ndajë me të afërmit e saj dhe mos bëj asgjë publike. Së bashku me klipin, Vesa ka realizuar edhe disa foto të reja.