Më shumë se Miqësore, Shqipëria barazon 0-0 me Estoninë

ESTONI-SHQIPËRI 0-0

ESTONIA: Sergei Pareiko, Tihhon Šišov, Taavi Rähn, Raio Piiroja,
Dmitri Kruglov, Ats Purje, Aleksandr Dmitrijev, Konstantin Vassiljev,
Joel Lindpere, Kaimar Saag, Kristen Viikmäe.

SHQIPERIA: Isli Hidi, Armend Dallku (Andi Lila 91′), Debatik Curri,
Lorik Cana, Ansi Agolli, Gilman Lika (Gjergji Muzaka 75′), Klodian
Duro, Ervin Skela, Elis Bakaj (Emiliano Vila 71′), Jahmir Hyka (Jetmir
Sefa 86′), Hamdi Salihi (Edmond Kapllani 75′).

Trajner: J.Kuzhe

Gjyqtar: Kanclerius (Lituani)

Kartonë të verdhë: Pirroja, Skela

Karton i kuq: Pirroja



Radiografia

1′ - Topin e parë nga qendra e luajnë vendasit.

3′- Kundërsulm i tanëve, me protagonist Bakajn, që shkon deri në
16-shen e estonezëve. Aty pason një top për Salihin, i cili, brenda
zonës vendase, gjuan tokazi, por pret portieri Pareiko.

6′- Estonezët ndërmarrin një sulm në ballë të gjerë, drejt Hidit,
por tek vija e 16-metrave ndërhyn me vendosmëri Curri, duke larguar
rrezikun.

10′- Gilman Lika zbulohet bukur nga mbrojtësit vendas, godet fort,
por topi devijohet në këndore. Ekzekuton nga këndi Skela, topi nuk
zotërohet si duhet nga piortieri vendas, por kuqezinjtë nuk përfitojnë
dot.

16′- Krosim i estonezëve nga e majta e sulmit të tyre, del në mënyrë
të gabuar portieri Hidi, por largon rrezikun Cana me kokë, duke e
devijuar topin në këndore.

20′- Këmbëngulje e gjatë e kuqezinjve, me sulme të njëpasnjëshme
drejt zonës vendase, por mbrojtja estoneze, me portierin Pareinko, janë
në lartësinë e duhur.

24′- Kundërsulm i bukur i Shqipërisë. Hyka kroson bukur për te
Salihi, i cili ul me kokë për Bakajn. Ky i fundit realizon një
roveshiatë, afër zonës së 16 metrave, por topi nuk ka shënjestrën e
duhur.

25′- Rasti më i bukur për tanët. Bakaj shërben bukur për Likën, i cili zbulohet mirë, por gjuajtja e tij është për t'u harruar.

30′- Hykës i kthehet një top në formë asisti nga mbrojtja estoneze,
pas një këndoreje për Shqipërinë. Gjuan fluturimthi shtatshkurtëri
kuqezi, por mbi traun e Pareinkos.

40′- Duro provon me një gjuajtje nga larg, por topi devijohet në këndore nga një mbrojtës vendas.

44′- Limpere, sulmuesi estonez, lëshon një predhë drejt portës sonë, por pret në pozicion Hidi.

49′- Skela fut një asist për Hykën, i cili kroson për tek Curri, që
godet me kokë, por në mënyrë të pafuqishme, pret portieri vendas.

51′- Kapiteni estonez, Pirroja, shënon me kokë, pas një goditjeje
dënimi për vendasit. Hidi del në mënyrë në gabuar, por është gjyqtari,
që anulon gjithcka, duke e konsideruar faull ndaj Hidit ngritjen në
ajër të lojtarit estonez.

58′- Pirroja, me devijimin e topit në këndore, para se ta shtynte në rrjetë Bakaj, shëpton portën e tij nga një gol i sigurtë.

61′- Hyka godet fuqishëm, por topi pritet te shtylla e djathtë pingule nga portieri estonez.

65′- Tjetër gafë e Hidit, në dalje. Fat i mirë që spastron zonën Cana, pasi për portierin tonë kuqezi do të ishte gol i sigurtë.

75′- Kuzhe vendos të bëjë zëvendësimet e para, duke nxjerrë Bakajn,
G.Likën dhe Salihin, për të futur Muzakën, Vilën dhe Kapllanin.

80′- Vaslevy lëshon një predhë drejt portës së Hidit, por pa shënjestrën e duhur.

84′- Përmes një goditjeje dënimi, Estonia i ka shkuar fare pranë
golit. Vetëm shtylla e majtrë pingule e portës së Hidit e mban të
bardhë rezultatin, si në fillim, 0-0.





****

Në një temperaturë jo fort optimale për kuqezinjtë tanë, 2 gradë
celcius, ka startuar ndeshja e parë miqësore e Shqipërisë, në kuadrin e
përgatitjeve për eliminatoret e Euro 2012. Trajneri Josip Kuzhe, i
votëbesuar në krye të kuqezinjve, pasi i drejtoi këta të fundit edhe në
disa ndeshje kualifikuese të Botërorit 2010, ka nisur atë rrugën e
gjatë dhe të vështirë, sic e perifrazoi edhe vetë para Estonisë.
Miqësorja në fjalë ka "vulën" e tij, ashtu sikurse do të ketë cdo
veprim tjetër në kombëtaren e Shqipërisë në vazhdim. Thënë ndryshe, nuk
ka më justifikime të tipit "nuk i njoh sa duhet lojtarët", "bëra
eksperimente" etj, etj. Përfaqësimi i cdo ekipi kombëtar, jo vetëm në
ndeshje zyrtare, por edhe miqësore, ka si objektiv primar rezultatin
pozitiv. Sepse ky mbahet mend, futet në të ashtuquajturat "statistika
historike". Vec kësaj, Kuzhe, deri në ndeshjen e parë zyrtare, për
llogari të eliminatoreve të Europianit 2012, do të provojë lojtarë në
pozicione të ndryshme, apo edhe lojtarë të ndryshëm, për të formuar një
grup solid.

Dhe në fakt, pjesa e parë e miqësores së Talinit ka folur kryesisht
për lojtarët tanë. Të cilët jo vetëm kanë patur kontrollin e topit, në
pjesën më të madhe të kohës, por kanë qarkulluar me dhe pa top, në të
gjithë kuadratin e blertë, duke demonstruar edhe freski fizike.
Gjkithashtu, nuk kanë munguar as rastet për gol, teksa ai i Hykës, që
gjuajti fluturimithi, mbi vijën e 16-metërshit të portierit estonez,
ishte më evidenti. Lojtarët kuqezinju merren vesh mirë me
njëri-tjetrin, e qarkullojnë topin me një takim dhe gjenden në
mbështetje të Salihit, sulmuesit të vetëm, me tri katër forca. Kështu,
Bakaj, Hyka, G.Lika dhe Skela përbëjnë rrezik të përhershëm për
mbrojtjen dhe portierin vendas. Megjithatë, pjesa e parë mbyllet në
bardhësi, 0-0, me dëshirë dhe këmbëngulje të madhe të Shqipërisë, por
pa gjetur dot rrugën e rrjetës. Nga ana e saj, Estonia e vuajti jo pak
presingun e kuqezinjve, që zinte fill që në mesfushë, duke mos dalë në
lojë të rrezikshme për kombëtaren tonë.

Edhe pjesa e dytë ka të njejtën muzikë si e para. Gjithcka në fushë
ka komandën e kuqezinjve, që qarkullojnë dendur topin, por pa arritur
dot të konkludojnë. Estonia duket e përgjumur, pa ndonjë nivel për t'u
evidentuar, cka duket se ndikon edhe në ritmin e lojës së kombëtares
shqiptare. Vendasit vazhdojnë t'i besojnë kundërsulmit, por mbrojtja
kuqezi në këtë ndeshje nuk shfaq ato gabimet e sfidave të kaluara.
Sidoqoftë, në minutën e 84-t, përmes një goditjeje dënimi, Estonia i ka
shkuar fare pranë golit. Vetëm shtylla e majtë pingule e portës së
Hidit e mban të bardhë rezultatin, si në fillim, 0-0. Pak minuta ka
rezervuar trajneri Kuzhe edhe për mesfushorin bardheblu, Jetmir Sefa, i
cili futet në lojë në minutën e 86-të në vend të Hykës. Përfundimisht,
një barazim, që ka vlerat e moshumbjes në transfertë, ku Shqipëria
calon gjithmonë, disa lojtarë të rinj të provuar, ndër të cilët, Bakaj
me sukses, por edhe fillimi i një pune të madhe, që i pret kuqezinjtë,
në përphjekje për t'iu larguar vendit të parafundit në grupet
eliminatore. Estonia nuk paraqiti ndonjë gjë të veçantë në ndeshjen e
djeshme, çka tregon se kjo miqësore duhet marrë me rezerva nga
drejtuesit kuqezinj, pasi nuk përbënte kurrsesi një test të vërtetë,
nga ato që do të kemi në grupin tonë eliminator të Euro 2012.