Doktori i akuzuar i Jackson rihap klinikën!

Doktori i dyshuar si personi përgjegjës për vdekjen e Michael Jackson i është rikthyer punës. Familje e super-yllit janë shumë të tmerruar për rihapjen e klinikës së Conrad Murray në të cilën ai ka punuar edhe në kohën kur ishte doktor personal i Jacko-s. “Pesë muaj kanë kaluar dhe ai ende nuk është i akuzuar - pavarësisht se të gjitha provat tregojnë që Murray ishte përgjegjës për vdekjen e Michael-it.

Tani, personit të njëjtë i lejohet që të vazhdojë me mjekësinë. Ky është turp”, ka thënë sot për gazetën The Sun një burim nga familja e të ndjerit.

Murray (56) është rikthyer në shtëpinë e tij në Houston, Teksas për të paguar edhe taksat e tij për shtëpinë dhe ordinancën.

Mjeku ishte dyshuar se i ka thënë Jacko's anestetik të fuqishëm të quajtur “propofol” në mbrëmjen e 25 qershorit në shtëpinë e tij në Los Angeles.

Murray ka thënë se këngëtari ishte i vetëdijshëm për këtë dhe pas marrjes ka fjetur.

Propofol, normalisht përdoret vetëm për pacientët gjatë operimit.

Dokumentet në gjykatë tregojnë se Murray i ka thënë pesë shishe me barin e lartpërmendur të cilat i ka marrë nga një kompani farmaceutike në Los Vegas, e të cilat ia kishte dërguar në Los Angeles Jacko-s, një muaj para se ai të vdiste.

Policia ka pranuar që nuk do të ngrit akuzë deri vitin e ardhshëm.

Familja e hidhëruar e Jackson janë ankuar sot se policia ka injoruar dosjen e familje dhe ata insistojnë që Murray të arrestohet sa më parë.

“Familja është shumë e palumtur me veprimet e policisë dhe hulumtimet”, ka thënë burimi për gazetën.