Protesta e vendorëve, Rama: Berisha si Qazim Mulleti

Bashkitë dhe komunat e vendit që drejtohen nga të majtët kanë protestuar sot para Kryeministrisë për të drejtat e cunguara nga ekzekutivi. Kryetarët e bashkive janë shprehur se "është zvogëluar buxheti si dhe janë pakësuar të ardhurat që mblidhnin nga taksat e biznesit të vogël".


Kryetari i Bashkisë së Tiranës e ka krahasuar Sali Berishën me Qazim Mulletin, duke i kujtuar xhepat e mbushur plot dhe një shtet të tërë në shërbim te tij.


Por tubimi i sotëm u shoqëruar me incidente në nisje, ndaj Rama i bëri thirrje Policise së Shtetit të respektojë uniformën dhe të mos bëhet vegël e Berishës.


"Ia kërkova arsyen drejtorit se pse policia mban në komisariat njerëz të pafajshëm dhe përgjigjja ishte: Kështu erdhi koha. Kur policia thotë se erdhi koha është shenjë e sigurtë se një epokë po mbaron e një epokë po fillon. Epokë tjetër që fillon është ose diktaturë ose demokraci dhe vijë të mesme nuk ka. Ne jemi këtu sepse epoka e re do të jetë e epokë e demokracisë dhe jo e një gjysëm demokracisë", deklaroi Rama, para qindra personave të mbledhur në Bulevard.


Kryebashkiaku i Tiranës, kërkoi anulimin e amendamentit të majit 2009-të ku qeveria ndërhyri direkt në përcaktimin e tarifave për pushtetit vendor."Kërkojmë anulimin e vendimit të tetorit 2009-të ku bizneset e vogla nga 5-9 milionë lekë i trajton si biznese të mëdha duke i rritur taksat dhe për pasojë duke i çuar drejt falimentimit", nënvizoi ai.'

Sipas Ramës 3800 familje që jetojnë me një biznes tyrin të vogël kërcënohen nga falimentimi në janar dhe nëse ato arrijnë të mbijetojnë do të detyrohen të rrisin çminin duke ia kaluar barrën qytetarëve