“Ku janë paret?”

Reperi kosovar Capital T ka realizuar video-klipin e këngës së tij të re të quajtur “Ku janë paret?”. Kjo është njëra prej këngëve që mund të konsiderohet si këngë e një niveli jo të mirë sikurse këngët e tjera që jemi mësuar t’i shohim nga ky këngëtar, si “Shopping”, “Shumë Nalt” “Supersweet” dhe disa këngë të tjera, me të cilat ai është paraqitur para publikut kosovar. Megjithatë, këngëtari ka bërë disa ndryshime në stilin e tij, që mund të quhen intervenime të mira.

Capital T deri më tani njihet si një këngëtar që hedh gati për çdo tre muaj nga një video-spot dhe deri më tani shpeshherë është renditur në vendin e parë nëpër top-listat kosovare.