Macheda drejt Zaragozas

Federico Macheda mund të huazohet në Real Zaragoza gjatë afatit kalimtar të janarit, ka njoftuar revista angleze, News of the World, të dielën.

Sulmuesi italian luajti rol vendimtar në ndeshjet e fundit të sezonit të kaluar duke i siguruar Manchester Unitedit titullin e tyre të tretë të njëpasnjëshëm në Premierligë.

Por, ai nuk është paraqitur këtë sezon dhe menaxheri Sir Alex Ferguson thuhet se është duke konsideruar kërkesën e huazimit nga trajneri i Zaragozas, Victor Munoz. Macheda 18 vjeç, mund të qëndrojë në Spanjë deri në fund të sezonit.