Shqipëria e barabartë në Këshillin e Evropës

Topalli publikon vendimin e KE-së

Tiranë 26 janar - Një ditë pas një kërkese të një grupi të deputetëve socialistë në Këshillin e Evropës që të bëhet heqja e kredencialeve të Shqipërisë, kreyparlamentarja e Shqipërisë Jozefina Topalli ka publikuar vendimin e Komitetit për Rregulloren, Manadatet dhe Imunitetet në Strasburg në të cilin shkruan: “Nuk ka mungesë balance në Delegacionin Shqiptar, se Kuvendi i Shqipërisë nuk ka shkelur kërkesat e Rregullores së Asamblesë Parlamentare. Për këtë arsye u vendos unanimisht, siç thuhet në raport, se “kredenecialet e delegacionit të Shqipërisë të ratifikohen”.

„Gjatë gjithë ditës së djeshme kam degjuar me durim shpifjet dhe mashtrimet e autorëve të këtyre trakteve kundra Shqiperisë, të përcjella në Strasburg me letër dhe me telefon. Sot besoj se të gjithe shqiptarët bashkohen me mua në ndjesinë e percmimit dhe neverisë ndaj këtij akti të denjë per kohën më të errët të ekzistencës së Partisë së Punës. Dhe ky njeri ka një emër, Edvin Kristaq Rama. Ata shqiptarë, që më 28 qershor votuan Partinë Socialiste, nuk votuan që shoku Edvin Kristaq Rama, të kërkontë përjashtimin e Shqipërisë nga Këshilli i Europës dhe as të pengojë liberalizimin e vizave. Përkundrazi ! Çdo shqiptar, pavarësisht për cilën parti ka votuar, ka aspiruar dhe aspiron për ribashkimin e Shqipërisë me Europën. Europa është zgjedhja dhe fati ynë dhe i gjithe shqiptarëve, përfshirë edhe ata që votojnë Partinë Socialiste…jo Partinë e Punës“ thuhet në deklaratën e Jozefina Topallit.