Kur "facebook"-u të shkatërron jetën

Të tregosh gjërat e tua personale në rrjetet sociale, ndonjëherë mund
të kushtojë shumë shtrenjtë. Një përmbledhje e rasteve më të famshme
Një
foto e papërshtatshme në album, një koment i pavend, një ndodhi e
publikuar në momentin e gabuar dhe të gjitha këto për shkak të pasionit
në "facebook", gjendemi në telashe pa e marrë vesh fare.

Ata
që kanë një llogari në rrjetin popullor të miqësisë dhe e përdorin çdo
ditë për të mbajtur të informuar miqtë, do të bënin mirë të mendonin
shumë para se të thonë diçka: "Facebook" është një instrument argëtues,
por ta keqpërdorësh, mund të kushtojë shtrenjtë.

Këtë gjë e dinë
mirë Tareq dhe Michaele Salahi, një çift nga shteti i Virxhinias, të
cilët u përfshinë në mediat ndërkombëtare për shkak se kishin shkuar në
darkën e Shtetit, në nderim të kryeministrit Indian, Manmohan Singh, e
mbajtur në Shtëpinë e Bardhë.

Ato që i çorrën maskën çiftit
ishin pikërisht fotot e publikuara nga Mishel Obama në faqen e saj të
"librit të fytyrës". Në imazhe duken ata të dy, ndërsa pozojnë të
buzëqeshur përkrah personaliteteve të ndryshme që kanë qenë të ftuar,
përfshi këtu zëvendëspresidentin Xho Baiden.

Nga Shtëpia e
Bardhë, konfirmojnë se ata të dy nuk ishin në listën e të ftuarve; nga
Shërbimet sekrete pranohet se diçka nuk ka funksionuar në proceduarën e
sigurisë; dhe nga "miqtë" e "facebook" të çiftit ka ardhur një rrebesh
i vërtetë me fyerje, për mënyrën më të cilën ata të dy rrokën 15 minuta
lavdi.

Pasi, ajo që është e sigurt është se gjesti i tyre i ka
treguar gjithë botës që të vësh në rrezik sigurinë në Shtëpinë e
Bardhë, nuk është shumë e vështirë. Në fakt, presidenti Obama ka
kërkuar një hetim për të kuptuar se si ka mundur të ndodhë kjo gjë.

Rasti
i Tareq dhe Mikaelës është vetëm rasti i fundit i famshëm i "përdorimit
të papërshtatshëm" të rrjetit social të krijuar nga Zukerberg. Raste të
tjera mjaft të famshme janë rasti i 16-vjeçares angleze,

Kimberley
Swann, e pushuar nga puna, pasi e kishte quajtur punën e saj të
mërzitshme në një mesazh të publikuar në murin e "facebook"-ut, apo si
ai i të resë kanadeze, Natalie Blanchard, e cila për shkak të fotove
duke buzëqeshur, të publikuara në faqen e "facebook" iu hoq asistenca e
të sëmurës, të cilën e merrte prej gati 2 vjetësh, nga kompania e saj e
sigurimeve për shkak të një depresioni të madh. Ngeli pa punë Ashley
Payne, mësuese 24-vjeçare në Atlanta, fajtore pasi ka publikuar disa
foto, në të cilat ajo është duke pirë një koktej alkoolik.

Një
dozë poshtërimi mori dhe Kevin Colvin, i punësuar në bankën Anglo Irish
Bank, i cili, pasi kishte kërkuar një ditë leje nga puna, me arsyen se
kishte disa probleme familjare, publikoi fotot e festës së
Halloween-it, në të cilën mori pjesë pikërisht ditën e lejes. Shefi i
tij i pa dhe ua shpërndau të gjithë shefave të tjerë.

E
paharrueshme gafa e gruas së Sir John Sawers, Lady Shelley Sawers, e
cila pikërisht në momentin që burri ishte duke u emëruar shefi i
shërbimeve sekrete në Britani, publikoi foton e shtëpisë së tyre të
bukur dhe të miqve të tyre, me shumë detaje mbi zakonet e tyre, duke
vënë kështu në rrezik sigurinë e burrit. Më pas, për të folur për një
vend fqinj, është rasti i grupit "Të Vrasim Berluskonin", grup të cilit
iu desh të përballej me drejtësinë.

Dhe për të ardhur në
shtëpinë tonë, është rasti i profilit të hapur pas arrestimit të Dritan
Dajtit, aksion në të cilin mbetën të vrarë katër oficerë policie dhe
kunati i vetë Dajtit. Pas ngjarjes në rrjetin social "facebook", u hap
një profil me emrin e kunatit të vrarë, Ledion Marës, nga i cili
kërcënohej çdo ditë policia. Nga ky fakt, prokuroria nisi të hetojë.

Ato që i çorrën maskën çiftit
ishin pikërisht fotot e publikuara nga Mishel Obama në faqen e saj të
"librit të fytyrës". Në imazhe duken ata të dy, ndërsa pozojnë të
buzëqeshur përkrah personaliteteve të ndryshme që kanë qenë të ftuar,
përfshi këtu zëvendëspresidentin Xho Baiden.