Presidenti Topi priti skiatorin Tola

Në Lojërat Olimpike Dimërore që do të zhvillohen nga data 12 deri me 18 shkurt në Vankuver të Kanadasë, Shqipëria përfaqësohet me vetëm një sportist, Erion Tola. Do të jetë pikërisht skiatori 23-vjeçar, flamurmbajtës dhe konkurrent i vetëm që do të na japë mundësinë të jemi pjesëmarrës në këto lojëra olimpike, megjithatë nuk do të jetë i vetmi, pasi delegacioni shqiptar edhe pse me një sportist, është i përbërë nga katër persona, mes tyre trajneri italian i Toles, shefi i misionit, presidenti dhe sekretari i KOKSH. Ndërkohe këtë delegacion edhe më të zgjeruar e ka pritur ditën e mërkurë në presidencë, Presidenti i Republikës, Bamir Topi.

“Moment emocionant për Erionin, i cili ndonëse përfaqësues i vetëm në këto gara, do të jetë ai qe do të ketë në dorë flamurin kombëtar me një mesazh shumë të fortë. Do të dëshironim pjesëmarrje me të gjerë, por tek e fundit pjesëmarrja është e rëndësishme”, u shpreh kreu i shtetit. Kjo është hera e dyte që Shqipëria merr pjesë në Lojërat Olimpike Dimërore.. Në Vankuver 2010, skiatori shqiptar është kualifikuar në tri gara, ne Super G, sllallom gjigant dhe në sllallom.