Çaste romantike të dashurisë

Sa që është interesante karriera e njerëzve të famshëm për publikun, po aq me interes është edhe jeta personale e tyre. Dhe, mu për këtë fakt, sado kanë qenë fanatik të mëdhenj të mbajtjes fshehtë të të bëmave të tyre private, sikur edhe të dashurive të tyre, përsëri ato kanë dalë në shesh dhe, duke qenë kështu, kanë zënë vend edhe në faqet rozë. Edhe jeta e njerëzve VIP tek ne, sikur edhe atyre të huajve, ndiqet këmba-këmbës nga paparacët. Sidomos interesim kanë shfaqur çdoherë rreth lidhjeve të dashurisë, bashkimeve, por edhe ndarjeve. Edhe për tri çiftet e mëposhtme është folur mjaft. Por sot, kur ata janë duke kaluar çaste të mira dashurie mes tyre, ne po ua sjellim nga një fotografi, të bërë në një moment romantik të tyre.



Moment romantik

Teuta Kurti, këngëtarja e re, por mjaft e respektuar dhe e vlerësuar, pati zgjuar mjaft interesim dhe debate kur para tri vitesh pati shkelur qilimin e kuq, krah për krah e Dardanin djaloshin me të cilin vazhdoi të paraqitej pastaj në çdo ambient. Dashuria e tyre duket të jetë shumë e madhe. Ja një moment i lumtur i tyre, sikur e shihni në fotografi.



Dashuria, si lule e njomë

“Lidhja e dashurisë sonë është si lulja e njomë”, është shprehur së fundi Nora Istrefi për dashurinë me Robertin. Më tej ajo ka shuar se për çdo ditë të dy po e ujisin atë, të rritet sicc është më së miri. Tri vite që janë bashkë dhe si duket është duke u ecur dashuria si në ditët e fillimit, duke mos i ndjerë mujat dhe vitet. Një moment i lumtur gjatë jetës së tyre ka qenë ky, sikur e shihni në fotografi.



Rona e Leopardi ‘më të fortë’ bashkë

Edhe këngëtarja Rona Nishliu ka vite që është bashkë me Leopardin. Madje Rona, asnjëherë nuk është munduar ta fshehë apo ta mbajë sekrete lidhjen e saj. Gjithnjë është shprehur se pjesë e suksesit të saj është domosdoshmërish edhe i dashuri, Leopardi, meqë ai është i lidhur drejtpërdrejt me artin, kështu që i ka ndihmuar shumë rreth këngës dhe videoklipeve. Një moment lumturie ata e kanë shënuar me këtë fotografi gjatë një koncerti, ku Rona ishte gati për të interpretuar.