Eda Zari, Jehona Sopi dhe Rovena Stefa në ditën e Pavarësisë së Kosovës!

Dje, në një ditë të dyvjetorit të Pavarësisë së Kosovës, shumë nga këngëtaret apo këngëtarët tanë kanë festuar në një formë apo në një tjetër. Disa nga ta kanë qenë të ftuar për të kënduar në ndonjë lokal, sikur brenda, ashtu edhe jashtë vendit. Ndërkohë që disa kanë qenë thjeshtë të lirë për të shijuar një ditë feste bashkë me njerëzit e tyre të dashur. Mirëpo ata nuk kanë harruar t’ju urojnë miqve, por edhe gjithë shqiptarëve përmes dritares së madhe të komunikimit të quajtur internet.

Jehona feston duke dëgjuar muzikën e vet

Jehona Sopi, këngëtarja prishtinase ka preferuar të dalë me të dashurin e saj dhe me shoqëri në një lokal në qendër të Prishtinës, ditën e festës. Në shoqërinë e miqve dhe të dashurit, ajo ka ndjerë dhe dëgjuar mbase si asnjëherë më parë veten duke interpretuar, normalisht përmes CD-së së lëshuar nga njerëzit e lokalit. Herë-herë muzika kombinohej edhe me zërin e Vesa Lumës dhe Tunës, mikeshave të Jehonës.



Eda: Kosova, jo vetëm temë gjeografike

Eda Zari ka dashur të që gjithë shqiptarëve të Kosovës t’ju urojë ditën e Pavarësisë. “Të gjithë gjeneratave të shqiptarëve të Kosovës, kudo ku jeni, qofshi të bekuar e këndej e tutje me shumë e më shumë fat të mbarë”, ka shkruar ndër të tjera Eda Zari. Ajo ka vazhduar urimin e saj edhe me komentin se çështja e Kosovës nuk është thjeshtë një temë gjeografike, por është ekzistenca e një kombi të sakatuar prej dekadash. “Ndaj sërish urime dhe gëzuar!”



Rovena uron nga zemra

Rovena Stefa nuk ka mbetur pa shkruar pak fjalë edhe ajo në faqen e saj në ‘facebook’. “Gëzuar, gëzuar ditën e Pavarësisë Kosovë!”, ka uruar ajo, sikur ka thënë, nga zemra. Ndërkohë që në faqen e saj ajo shpalos gjithçka për profesionin. Më 6 mars do të mbajnë një koncert bashkë me Genta Ismajlin, për herë të parë bashkë.