Davis mbrojti titullin në 1000 metra

Shani Davis nga Shtetet e Bashkuara të Amerikës e ka fituar titullin e kampionit olimpik në rrëshqitje të shpejtë në 1000 metra në Vancouver dhe në këtë mënyrë e ka përsëritur rezultatin nga Olimpiada e Torinos. Para katër viteve Davis është bërë afro-amerikani i parë që e ka fituar medaljen e parë të artë individuale në Lojërat Olimpike Dimërore. Kësaj radhe ka dashur të mbahet mend vetëm në rrëshqitje dhe kjo gjë i ka shkuar për dore, ku njëherësh është bërë amerikani i parë i cili e ka rrëmbyer medaljen e artë në rrëshqitje të shpejtë në Lojërat e Vancouverit. Davis deri te medalja e dytë e artë në Olimpiadë ka arritur me kohën prej 1:08.94 minuta, para kampionit në 500 metra, Tae Bum Moa nga Koreja e jugut, i cili pati 18 të qindtat kohë më të dobët, kurse e bronzta i ka takuar edhe një tjetër amerikani Chad Hedrick, i cili mbeti prapa fituesit për 38 të qindtat.