Edhe një e artë për Simon Ammann-in Kërcyesi zviceran Simon Ammann ka fituar edhe në kërcimoren e madhe në kuadër të Lojërave Olimpike Dimërore në Van

Kërcyesi zviceran Simon Ammann ka fituar edhe në kërcimoren e madhe në kuadër të Lojërave Olimpike Dimërore në Vancouver. Duke fituar dy medalje të arta në disiplina të ndryshme Ammanm e ka përsëritur suksesin nga Solt Lake City të vitit 2002 dhe është bërë sportisti më i suksesshëm në këtë disiplinë në histori të Lojërave Olimpike. Medalje e argjendtë i ka takuar, ashtu si edhe në kërcimoren e vogël, polakut Adam Malysz, derisa e bronzta shkoi në duart e austriakut Gregor Schlirenzauer. “Nuk kam fjalë”, ka thënë Ammanm pas garës. “Çka të them? Isha shumë i nervozuar. Ishte një eksperiencë e mundimshme. Megjithatë kam pasur forcë të kërcej dhe kjo është gjë e mirë. Jam i lumtur që arrita të rrëmbej medaljen e dytë të artë në këto Lojëra, sepse e kam merituar një gjë të tillë. Së paku unë mendoj kështu”, është shprehur Ammann.



Kërcyesit i pret edhe një garë tjetër e kësaj here ajo në konkurrencën ekipore, e cila në program është të hënën në ora 19:00 me kohën e Evropës Qendrore.



Rezultatet

1. Simon Ammann (Zvi) 283.6
2. Adam Malysz (Pol) 269.4
3. Gregor Schlierenzauer (Aus) 262.2
4. Andreas Kofler (Aus) 261.2
5. Thomas Morgenstern (Aus) 246.7