Faktet sekrete rreth “Oskarëve”

Çfarë ka ndodhur në 81 ceremonitë e Oskarëve

Sa femra kanë rrëmbyer çmimin për regjinë më të mire? Cili është fituesi i vetëm i këtij çmimi, i cili nuk ka lënë askënd pa përmendur në fjalimin e tij? Kush kishte fjalimin që është cilësuar edhe më i gjati në historinë e kësaj akademie ( kujdes, nuk është Gwyneth Paltrow)? Të gjithë janë të interesuar të dinë se cilat janë gjërat më interesante në historinë e akademisë së çmimeve Oskar dhe mediat amerikane kanë bërë një përmbledhje të shkurtër duke renditur në formë liste ngjarjet apo emrat më interesant të “natës së madhe”.

Nëse ëndërroni të rrisni mundësinë e suksesit, sigurohuni që filmi të cilin e keni në dorë t’i takojë zhanrit epik, që tejkalon parashikimet e buxhetit. Tre filma ndajnë titullin “më të dekoruarit” secili me nga 11 oskarë të fituar: “Ben Hur” në vitin 1959, “Titanik” në vitin 1997 dhe “The Lord of the Ring” në vitin 2003. Më e çuditshmja në gjithë këtë është fakti se të dy aktoret, që kanë interpretuar në këta filma Kate Winslet dhe Gloria Stuart kanë qenë të nominuar vetëm dy herë dhe kanë fituar çmimin Oskar për aktoren më të mirë. Ndërkaq dështakët e cilësuar kështu nga kritikët, të cilët edhe pse të nominuar shumë herë në kategori të ndryshme, asnjëherë nuk kanë arritur të rrëmbejnë ndonjë çmim. Këta janë filmat “All about Eve” 1950 me 14 nominime, “The turning point” 1977, “The colour purple” 1985 me nga 11 nominime. Walt Disney ka qenë i nominuar 64 herë në kategori të ndryshme dhe ka rrëmbyer 26 prej tyre, më shumë se kushdo tjetër në historinë e oskarëve. Filmi i fundit i animuar që rezervoi oskarin ishte në vitin 1968 “Winnie the Pooh and Blustery Day”. Në të kaluarën rezultatet e kësaj Akademie së çmimeve Oskar ishin bërë publike në artikujt kryesorë të gazetave përpara fillimit të ceremonisë së ndarjes së çmimeve. Kjo traditë u ndërpre në vitin 1941 kur të nominuarit filluan të vizitojnë dhomën e shtypit para se të startojë eventi i ndarjes së çmimeve.

Nëse dëshironi të fitoni çmimin regjia më e mirë? Kritikët kanë vlerësuar se duhet të jesh mashkull dhe i “bardhë”. Përveç disa nominimeve që janë bërë nga dy kategoritë e përjashtuara” femrat dhe regjisorët “me ngjyrë”. Lina Wertmyller, Jane Campion, Katrthryn Bigelow dhe afro-amerianët John Singelton Lee Daniels etj. Asnjëri prej tyre nuk ka pasur shansin të fitojë ndonjë nga çmimet, përveç Bigelow, për të cilën është përfolur se ka shumë mundësi të rrëmbejë ndonjë Oskar me filmin “The Hurt Locker”.

Ndalemi tek incidentet, të cilat nuk kanë munguar përgjatë gjithë këtyre viteve në skenën e Oskarëve. Në vitin 1974 Robert Opal vrapoi lakuriq në skenë derisa po shpallte të nominuarit përkrah kolegut të tij David Niven. Një tjetër rast që gjithashtu hynë në radhën e incidenteve është edhe fjalimi i stërzgjatur i Greer Garson në vitin 1943 gjatë marrjes së çmimit Oskar në kategorinë aktorja më e mirë. Fjalimi i saj zgjati më shumë se 5 minuta. Ndërkaq për edicionin e sivjetmë fjalimet janë limituar deri në 45 sekonda. Për sa i përket edicionit të sivjetmë është përfolur shumë se “Avatar”, është pretendenti më i fortë për të rikthyer triumfin e Titanikut në duart e Xhejms Kamerunit dhe kjo pritet të shihet me 8 mars në edicionin e 82-të të kësaj ceremonie.