Lumi Hadri nderohet me çmimin OTTY

Lumi Hadri - Devine, e bija e historianit Ali Hadri, ka krijuar një botë të tërë me simpati e saj në restorantin që mban po emrin e saj "Lumi restaurant". Për fat të mirë, kjo "shtëpi" e madhe, restorant Lumi, i ka dyert e hapura për të gjithë. Ky restorant i frekuentuar me shumë devotshmëri nga njujorkezët, të dhënë pas ushqimeve të lokaleve, tërhoqi edhe artistët, producentët e serialit të njohur televizivë, të filmit "Sex and the City" .

Një pjesë e të cilit u xhirua në restorantin e saj. Producentët e këtij filmi e kanë quajtur Alumni Hadrin "Quintessential"- "Mbretëresha e restoranteve", në Nju Jork. Bile mund të shohësh një pjese të filmit "Sex and the City" dhe skenën në të cilën Charlotte është shtatzënë dhe takohet me aktorin Mr. Big - pikërisht në një nga mjediset e lokalit në restorantin Lumi. Ku zhvillohet ngjarja. Producentët e këtij filmi me famë botërore i dhanë Lumi Hadri-Devine një rol figurant, ku në njërën prej skenave ajo luan rolin e një mysafire të restorantit, të një bukurosheje flokëverdhë, që të bënë ta "kthesh kokën" e ta shikosh me dashuri, gjersa ajo është e ulur e bisedon në qoshe të restorant me bashkëshortin e saj Patrik Devine.

Dhe, gjatë viteve të luftës në Kosovë, e trazirave në trojet etnike shqiptare, ata kanë zhvilluar takime me përfaqësues të komunitetit. Çfarë vërtetë e transformuan restorantin Lumi në një "Ambasadë" jo-formale, por si qendër të rëndësishme takimesh me politikanët dhe aktivistë të komunitetit, të cilët morën pjesë në këto takime historike në emër të Kosovës dhe çështjes shqiptare në përgjithësi. Mirëpo siç shkruan Lydie Raschka, në revistën e Nju Jorkut "Our Town" Lumi Hadri - Devine, është nderuar me çmimin e nderit OTTY (Faleminderit prej Qytetit Tonë). Çmim ky që njeh punën dhe vlerëson kontributin e veçantë të individëve për atë që bëjnë, ata për qytetin e Nju Jorkut.