Përgjysmohet lista e projekteve për 2010-ën

MKRS përzgjedh projektet që do të financojë për vitin 2010

Ministria e Kulturës, përkatësisht komisioni vlerësues i kësaj ministrie, ka bërë përzgjedhjen e projekteve të konkursit për projektet kulturore-artistike të vitit 2010.

Ndërkaq bëhet e ditur se në adresë të ministrisë kanë konkurruar gjithsej 310 projekte individuale dhe grupore ndërsa shuma e kërkuar nga konkurruesit e projekteve ka qenë rreth 5.000.000 euro. Nga këto 310 projekte konkurruese, Ministria e Kulturës, do të mbështesë 123 prej tyre.

Në komunikatën për shtyp, bëhet e ditur se përmes këtij konkursi, Ministria e Kulturës, synon të mbështesë projekt-idetë me karakter: profesional, të cilat me kualitetin e tyre formal dhe përmbajtësor, i respektojnë standardet krijuese evropiane e botërore; promovues, të cilat kanë për qëllim paraqitjen dhe integrimin e artistëve vendorë në skenën artistike ndërkombëtare; stimulues, të cilat kanë për qëllim evidentimin e talenteve të reja me ide të veçanta kreative; tradicional, përmes të cilave do të promovoheshin vlerat e trashëgimisë sonë kulturore. Inovativ, të cilat, me formën, përmbajtjen, frymën dhe mënyrën e realizimit të tyre, paraqesin risi për ambientin tonë krijues; kritik, të cilat me formën dhe përmbajtjen e tyre nxisin debat dhe diversitet artistik; praktik, përmes të cilave do të evidentoheshin dhe formësoheshin kapacitetet krijuese profesionale.

Në kategorinë e filmit, Ministria e Kulturës mbështet 9 projekte: Skena UP, Festivali 9/11, PriFilmFest, Dokufest, Veprimtaria Vjetore e PEN Qendrës së Kosovës, Festivali i filmit “Hyjnesha në fron”, Festivali i Filmit të Shkurtër "Sëikos", Festivali i filmit “Kosova Mobil Film” fest dhe promovimin e filmit në Zvicër.

Ndërsa në kategorinë e muzikës janë 3i projekte; Festivali i festës dhe muzikës krijuese shqiptare për diasporë, Lyra Fest, Zambaku i Prizrenit, Java e Kulturës Opojane e Gorane, Flakadani i Karadakut, Festivali Ndërkombëtar i Folklorit, Aktivitetet Kulturore të SHKA “Salih & Feriz Krasniqi”, Hasi Jehon, Kosovarja Këndon, Pianisti i Ri, Festivali Ndërkombëtar i Muzikantëve të Rinj “DAM”, Rapsodia Shqiptare Skënderaj, Koncert Greg Patillo Trio, Festivali i X-të Folklorik "I këndojmë Lirisë",

Kaçaniku, Cicërimat buzë Ibrit, Anadrinia Jehon, Kosova Kamerfest, Festivali “DAM”

Garat e muzicientëve të rinj të muzikës klasike me karakter ndërkombëtar, Aktivitetet Kulturore të SHKA "Bresana", Rock për Rock, Chopin Piano Fest etj.

Ndërsa në kategorinë e artit pamor, mbështeten financiarisht 18 projkete: si galeria Ekspoart, Kthimi në të ardhmen, Krijimtaria e artistit Sylejman Lokaj, Anuali i parë botëror i grafikës, Festivali i 6-të i stripit dhe i karikaturës “Prizreni 2010", Bienali Botëror 2010, Pjesëmarrja në Bienale – BJCEM, Prishtina Biennale etj.

Në fushën e letrave do të mbështeten 12 projekte si Manifestimi letrar tradicional “Mitingu i poezisë Gjakova 2010”, Seminari Ndërkombëtar për Gjuhën, Letërsinë dhe Kulturën shqiptare, Panairi i Librit në Frankfurt, Panairi i Librit Prishtina, Përkrahje për aktivitetet e LSHK-së etj

Ndërkaq në teatër rreth 15 aktivitete si; Festivali Ndërkombëtar i Monodramës, Festivali Ndërkombëtar i Teatrit - Kosova Infest, “Heshtje” shfaqje teatrore, “Pjata e Drunjtë” “O s’kam një shok” Aktivitetet e Teatrit Dodona, Festivali Mbarëkombëtar i Teatrove 2010 – “Adriana Abdullahu” etj.