Kushner: Kosova po dëshmohet çdo ditë si një vend i lirë dhe demokratik

Bernard Kouchner, ministër i Punëve të Jashtme të Francës vlerëson pozitivisht zhvillimet në Kosovë, në një prononcim për kombëtaren “Bota sot”.

Ministri i Punëve të Jashtme të Francës Bernerd Kouchner i ftuar nga fondacioni "Siergio Viera De Melo" po merr pjesë në Gjenevë në seancën përkujtimore të këtij ish-funksionarit të OKB-së Siergiu Viera Demelo i cili ka humbur jetën tragjikisht bashkë me 20-të e pjesëtarë tjerë të OKB-së para 7 vitesh gjatë një eksplodimi në Bagdad. Përveç debateve për krizat e shumta në botë, Kushner foli edhe për zhvillimet e fundit në Kosovë, të cilat ai i cilësoi si progresive.

Seanca përkujtimore dedikuar diplomatit dhe humanistit brazlien Siergjo Viera Demelo u ndoq nga mëse 500 pjesëmarrës, kryesisht ambasadorë dhe diplomatë të akredituar në OKB-së si dhe funksionarë të shumtë të organizatave ndërkombëtare. Nga tri pyetje sa ishin të lejueshme për pjesëmarrësit e këtij tubimi, me ministrin e Francës, njëra ishte nga korrespodenti i gazetës kombëtare "Bota Sot" në Gjenevë. Në këtë përkujtim prezantoi edhe e shoqja e të ndjerit madame Veuve de Sergio bashkë me dy djemtë e saj Laurent e Adrien. Të shtojmë se nusja e këtij të fundit është një shqiptare nga Kosova.

I pyetur nga “Bota sot” se si e vlerëson sitauatën në Kosovë pas dy vitesh të pavarësisë, shefi i diplomacisë franceze Bernrad Kuchner i cilësoi progresive zhvillimet e fundit në Kosovë. Ai tha se Kosova dhe Serbia si dy shtete fqinje, një të afërme jo të largët do të jenë si anëtare e të barabarta të familjes së madhe e Bashkimit Evropian.

"Për Komunitetin Ndërkombëtar, para një decenie ishte e vetëdijshme se vetëm intervenimi i forcave ndërkombëtare mund ta shpëtonte një popull të cilit i kanosej shkatërrimi kolektiv. Dhe pas këtij intervenimi të imponuar nga regjimi i atëhershëm serb, tash po vërehen rezultatet pozitive ku sot Kosova po dëshmohet çdo ditë si një vend i lirë dhe demokratik i cili vend po shënon progres dhe gradualisht po i ofrohet Evropës duke u integruar në instancat e ndryshme ndërkombëtare.

Gjatë vizitës së tij të fundit në Kosovë e në Serbi, si në Prishtinë dhe në Beograd edhe në Gjenevë Bernard Kuchner përsëriti se pavarësia e Kosovës është një punë tashmë e kryer njëherë e përgjithmonë dhe se kthim të historisë mbrapa nuk ka. Një gjë që është bërë njëherë, nuk mund të ç’bëhet.." tha në vazhdim diplomati francez, duke folur për Kosovën, shtetin më të ri në Evropë

Në fund do shtuar edhe këtë, se para se t'i shtronim pyetje ministrit francez për Kosovën, të pranishme ua rikujtova një moment të takimit tim me të ndjerin Siergjo Viera de Melo me të cilin sa herë që takoheshim ai më përshëndete në shqipe me fjalët "Mirëdita" dhe "Rroftë Kosova". Po në takime të tilla me të ndjerin De Melo kam kuptuar se nusja e djalit të tij të vogël është shqiptare.