Blerim Destani, një kënd në “Iphone”

Aktori i njohur tashmë edhe jashtë trojeve shqiptare Blerim Destani, së fundi është paraqitur edhe në të quajturin “App Store”, në një aplikacion për Iphone, i cili i dedikohet këtij aktori të shquar shqiptar. Aplikacioni në fjalë është falas dhe përmban të dhëna dhe informacione të ndryshme në lidhje më veprimtarinë dhe aktivitetin artistik të aktorit Destani. Në mesin e shumë informacioneve adhuruesit e tij kanë mundësinë që të shohin fotografi, video-xhirime të cilat i përkasin të gjithë triler-aty e filmave të tij. Një tjetër fakt interesant që ka të bëjë me publikimin e këtij aplikacioni në “App Store” është edhe kontakti apo komunikimi i drejtpërdrejtë i të gjithë të interesuarve me Blerim Destanin, në rubrikën e ashtuquajtur “Fan Club”. Përveç fotografive video-xhirimeve të ndryshme me sekuenca të shkëputura nga filmat më të mirë ku ka interpretuar Destani, bëhet e ditur se në përgatitje është dhe një tjetër opsion shumë rifreskues i këtij lloji.

Bëhet fjalë për përgatitje që do të bashkëngjitet aplikacionit të lartcekur, ku do të ketë risi të tjera siç është edhe opsioni “chat”, që do të mundësojë komunikimin në kohë reale me aktorin Destani. Kjo lejon që fansat e aktorit të jenë në kontakt të vazhdueshme me të duke u njoftuar kështu edhe për më të rejat në karrierën e tij artistike.

Një e re teknologjike shumë e rëndësishme për vetë aktorin por edhe për ata që e duan punën dhe artin e tij. Një alternativë e tillë mundëson gjithashtu promovimin e aktiviteteve artistike të aktorit në një kohë shumë të shpejtë duke iu dhënë kështu edhe enjë qasje sa më reale dhe më të afërt adhuruesve të tij.

Blerim Destani, një udhëtim në role

Blerim Destani së fundi i zgjedhur edhe si mashkulli më seksi shqiptar në një sondazh të realizuar me lexuesit e gazetës tonë, ka kurorëzuar suksesin e tij prej aktori me projektin e fundit kinematografik filmin “Koha e kometës”. Një film i cilësuar si shumë i suksesshëm në aspektin e realizimit teknik dhe artistik, i regjisorit shqiptar Fatmir Koçit dhe i bazuar në një na veprat e shkrimtarit tonë Ismail Kadare.

Desatni në këtë projekt interpretoi rolin e Destanit, një i ri shqiptar i cili beson në clirimin e vendit nga pushtuesit e shumtë që kishin zaptuar dhe ndarë tokat shqiptare. Përkrah tij interpretuan edhe aktorë të tjerë shqiptarë me bagazh shumë të pasur në artin e kinematografisë si Masiela Lusha, e njohur për role ndërkomënatre në Hollivud, Luan Jaha, Gentian Zenelaj, Çun Lajqi dhe aktorë të tjerë ndërkombëtar.

Përveq Shesatnit, Blerimi është i njohur edhe përmes filmit artistik "Kosova - Desperate Search" (Etjet e Kosovës) i realizuar në vitin 2005, ku ai interpreton rolin e ushtarit.

Filmi trajton pasojat dhe ndikimet e luftës së Kosovës në popullsinë shqiptare. Blerimi në këtë film mishëron në mënyrë mbresëlënëse figurën shumë komplekse të një ushtari shqiptar. Sukseset në kinematografinë ndërkombëtare padyshim që janë të shumta. Është filmi “Dossier K”, që i hapi shumë Blerimit për të vazhduar suksesin e tij në fushën artistike. Një prodhim i kinematografisë belge ku ai interpreton një nga rolet kryesore.

Pa lënë në hijë suksesin që pati filmi belg në jetën artistike të aktorit, “Get Low” ishte dhe një shtysë tjetër në rrugën artistike të tij, film ky i prodhuar nga shtëpitë kinematografike më të njohura në Evropë dhe së fundi pjesëmarrës në Festivalin e njohur kanadez të filmit, që zhvillohet çdo vit në Toronto. “Get Low” në këtë festival pati dhe premierën botërore, por aktori Destani, që luan një nga rolet e projektit, nuk ishte i pranishëm për shkak të angazhimeve në një projekt hollivudian, filmin “Die Wanderhure”, xhirimet e të cilit kanë përfunduar dhe shpresojmë që të shfaqet edhe nëpër kinematë shqiptare.

Blerim Desatani ka marrë pjesë edhe në shumë filma të tjerë si “The truth abort men”, “At World’s and” etj ku ai interpreton përkrah aktorëve të njohur të kinematografisë evropiane dhe atë botërore.

Padyshim që një kënd apo faqe teknologjike, në të cilën pasqyrohet vetëm një copëz e suksesit dhe punës së Aktorit të shquar është shumë e qëlluar dhe një mundësi më tepër për të qenë par në realizimeve dhe të rejave që vet ai do t’i bëjë të njohura për fansat përmes iphone në këndin argëtues të quajtur fun-club.