Sot Dita e Verës, festime të mëdha në kryeqytet

Dita e Verës ka të bëjë me ringjalljen pranverore të natyrës në raport me dimrin që është duke u larguar. Kjo dite është kthyer tashmë një festë mbarëkombëtare për të gjithë shqiptarët, në të gjitha viset mbarëshqiptare, festë që sjell gëzim dhe hare.

Edhe këtë vit, Kryeqyteti për të pestin vit radhazi, do t’i bashkangjitet festimeve të mëdha në mbarë vendin për ditën e Verës, përmes aktiviteteve të shumta që Bashkia e Tiranës ka planifikuar në këtë ditë, duke iu bashkuar kështu festimeve në qytetet e tjera të vendit.

Dhe ne fakt qe ne mengjes, kjo traditë e hershme, që simbolizon ardhjen e stinës së ngrohtë, ka mbushur të gjitha rrugët dhe sheshet kryesore të kryeqytetit, me një larmi aktivitetesh të organizuara.

Festimet kane nisur rreth orës 10.00 me aktivitete për të gjitha moshat, duke mos harruar edhe gatimet tradicionale të kësaj feste.

Në sheshin "Skënderbej", këngët dhe vallet e ansamblit "Tirana" kane celur siparin e festimeve. Më pas, akrobatë dhe klounë nga Cirku i Tiranës po argëtojnë fëmijët e pranishëm, ndërsa Banda e qytetit po mban rrugëtimin, përgjatë gjithë bulevardit kryesor.

Në Sheshin “Skënderbej ora 10.00 jane vendosur gatimet tradicionale të gatuara nga amvisat, të cilat do tu ofrojnë këtë ushqim qytetarëve që do i vizitojnë. Nëpër tryeza do jetë shtruar ushqim dhe do ndahet në porcione të vogla, në mënyrë që të ketë sa më shumë shijues të këtyre gatimeve.

Kompani të ndryshme nderkohe kane sjelle produktet e tyre dhe po zhvillojnë aktivitete të shumta me të pranishmit, duke u dhënë dhe dhurata.

Lulishtja e Sheshit “Skënderbej” , sot eshte perkthyer ne gjuhen e fëmijëve Në një skenë qe eshte veshur si si dekor, me ngjyrat e verës, me tollumbace të bardha e të kuqe, të rrethuara si veroret që mbajnë nëpër duar, artistët e vegjël kane filluar te performojnë pjesët e tyre. Koncerti i fëmijëve po zhvillohet nën tingujt e muzikës më të dashur për ta.

Duke vijuar më pas tek Galeria e Arteve, një grup prej 50 instrumentistësh po performojnë muzikë klasike. Një repertor shumë i zgjedhur që nga Bethoveni e Vagner, me sonata dhe pjesë të mrekullueshme nga muzika klasike, po sillen me mjeshtëri nga këta instrumentistë, Kësaj orkestrë të vërtetë, i jane shtuar dhe pianistë profesionistë dhe soprano të TKOB-së , të cilat po këndojnë kryesisht muzikë shqiptare, sonata dhe serenata shqiptare.

Bulevardi “Dëshmorët e Kombit” në orët e paradites do të kthehet në një panair argëtues, me kënde dhe streha ku nuk do të mungojnë, veroret, face paiting, si dhe xhaxhi piktori, sheqerkat dhe lojrat.

Në Parkun Rinia në mesditë do të vendoset një sistem karaoke, i drejtuar nga një prej këngëtarëve më të njohur sot, të muzikës moderne, KELLY, ku do të ftohen të gjithë, të bëhen protagonistë të këngës.

Rock The Bloc

Përpara hotel “Rogner” në mesditë do të zhvillohet një pasarelë mode e konceptuar si një pasarelë e vërtetë, ku stilistë të njohur shqiptarë e studentë të modës, do të veshin modelet me koleksionet e tyre, të frymëzuara nga pranvera e të stiluara në perspektivë, me ngjyrat dhe emocionet më pikante të stinës.

Pasditja do të jetë një panoramë verore e kushtuar rinisë ku në Zonën e ish- Bllokut do të perfermojnë live “ Rock the Block”, me muzikë rrok dhe muzikë live nga vende si Danimarka , Holanda , Belgjika dhe Gjermania me bashkëpunimin e ngushtë edhe të ambasadave të këtyre vendeve.

Festa e Verës sjell besimin dhe shpresën, më shumë dashuri , mirësi , shëndet e ripërtëritje njerëzore..

Historia e Dites se Veres

Nga pikëpamja historike Dita e Verës është shumë e lashtë, dëshmi e përhapjes së saj të hershme ndër shqiptarët , një festë pagane e kremtuar nga shqiptarët qysh në antikitet, pra para lindjes së krishtërimit.

Ndërsa nga pikëpamja gjeografike, ajo festohej nga mbarë shqiptarët, në qytet e në fshat, në fushë e në malësi, në Atdhe apo edhe në mërgim. Fakti që kremtimi i Ditës së Verës është bërë edhe nga arbëreshët tregon në përhapjen e saj në të gjitha viset mbarëshqiptare.

Madje tek arbëreshët siç shpjegon prof. Mark Tirta , me afrimin e kësaj dite arbëreshët e Italisë shkulnin barin me gjithë rrënjë nga toka, për të treguar edhe një vit larg vendlindjes

Por në të vërtetë kur themi Dita e Verës mendja na shkon tek Elbasani. Sepse gjatë viteve të komunizmit në Shqipëri kjo ditë erdhi duke u zbehur. Aq sa dikur ajo u harrua krejtësisht e nuk kremtohej më.

Ndërsa në Elbasan ajo nuk u zbeh kurrë. Nëse Dita e Verës kremtohet me kaq madhështi tashmë, merita i takon kryesisht Elbasanit. Tani ajo është zyrtarisht një festë kombëtare. Dhe bashkë me Elbasanin vjen dhe ballokumja, ëmbëlsira e Ditës së Verës.