Rigoleto”, inauguron stinën e koncerteve

“Rigoleto”, opera e famshme e Xhuzepe Verdit do të ngjitet në skenën e Teatrit të Operas dhe Baletit në kuadër të stinës italiane “Italia dhe Shqipëria 2010 – dy Popuj, një Det, një Miqësi”. Kjo stinë e cila ka parashikuar një sërë aktivitetesh në kryeqytet do të nis shfaqjen e parë në ditën e verës, në Pallatin e Kongreseve, shfaqje që i është besuar kompanisë italiane të kërcimit akrobatik “Kataclò”. Por, Rogoleto e Verdit, një vepër që është mjaft e njohur për publikun shqiptar e interpretuar në tre variante skenike do të inaugurojnë stinën stimuluese të koncerteve më 20 mars së bashku me koncertin e violinistit të famshëm Uto Ughi. Ambasada italiane në Tiranë, në bashkëpunim me shumë partnerë institucionale dhe private, italiane dhe shqiptare, organizon “Italia dhe Shqipëria 2010 – dy Popuj, një Det, një Miqësi”, një stinë e madhe evenimentesh.