Tradhtia: Ja si zbulohet!

Ai zakonisht është i qetë dhe i përmbajtur, befas kthehet në një shok të shkëlqyer? Mund të jetë për shkak të një kolegeje të re. Një shtëpiake që vuan nga dembelizmi hedh tutje të gjitha telekomandat papritur dhe, në vend të hekurit, fillon biçikletën për stërvitje? Ndjellëse e dëshirës së saj për të ushtruar mund të jetë trajneri i palestrës përballë shtëpisë. Pra, edhe në qoftë se nuk është tradhti e deklaruar me një shpallje, ajo është ende një krim që lë prapa shenjë dhe mund të identifikohet lehtësisht. Për t’u shndërruar në “007 e dashurisë”, realisht, mjaftojnë disa lëvizje si ato të treguara nga autorët në manualin “Tradhtar i ndyrë”, të firmosur nga Alberto Caputo, psikiatr dhe seksolog.

Ajo qe kemi dashur të shkruajmë, shpjegon Caputo, është një lloj përmbledhje e kriminologjisë ku “krimi” është tradhtia, krimineli është partneri dhe viktima është i tradhtuari”. Rregulli i parë, shpjegojnë autorët, është të veprosh me kujdes, për të mos humbur të dhëna të vlefshme. Skena të mundshme të krimit janë automobili dhe zyra. Telefoni, është gjithashtu një alternativë që nuk di të gënjejë, ndërsa kompjuteri është “një kuti e madhe dhe e pasigurt për sekretet e tij”: çdo gjë kalon nën lente për t’iu përgjigjur pyetjes: më tradhton apo jo?

Pavarësisht nga personi më të cilin ju kanë tradhtuar, ajo çka ka shumë rendësi është të ruani gjakftohtësinë, dhe të kuptoni sa më shumë për sa i përket marrëdhënies së fshehtë të partnerit tuaj.

Para së gjithash, tradhtia është një fakt që thyen jetën e një çifti dhe shërben si një risi në jetën e përditshme të çiftit, duke sjellë ndryshime të dukshme, duke filluar që nga sjellja në tavolinë për të përfunduar tek zënkat e vogla të cilat jo rrallë herë sjellin dëshirën për tu larguar shtëpia të partnerit.

Pastaj kjo detyrë (tradhtia) është shumë e kushtueshme dhe sfiduese që kërkon kohë të gjatë, vëmendje dhe angazhim. Si pasojë në mënyrë të pashmangshme ata do të bëjnë disa gabime.

Dhe për njohuri më të zgjeruara mbi këtë fenomen ju vjen në ndihmë dhe një faqe interneti: tradimento.net, në të cilën mund të gjeni materiale të sakta dhe të bollshme për sa i përket tradhtarëve dhe të tradhtuarave. Seksione të veçanta në këtë site trajtojnë histori tradhtie si dhe pasojat që vijnë si rrjedhojë e këtyre historive.