Thesare të çmuara zbulohen në Shqipëri!

Gazeta amerikane “Christian Science Monitor” shkruan për zbulimet arkeologjike që janë bërë në Shqipëri ndër vite.

Kur Mbret Zogu i Shqiptarëve i dhurojë, ca kohë më parë, Kryeministrit Mussolini kryet e shkëlqyera prej mermeri të Perëndeshës së Buthrotumit, e gjetur në Mbretërinë e tij, dha më tepër rëndësi se një dhuratë nderimi. Dhurata e Mbretit i dha një rëndësi të veçantë rritjes zbulimeve të vyera të Shqipërisë për arkeologë. Për arsye traditash klasike, Shqipëria, Mbretëria e vogël në Ballkan, në kohë ka nisur të zërë vendin e saj të vjetër pranë shteteve të Evropës me rastin e zbulimeve të thesareve së arkitekturës dhe skulpturës Helenike dhe Romane, të cilat po gjenden atje. Italianët kanë gjetur gjurmët e stërgjyshërve të tyre në këtë vend të vogël pastoral.

Misioni arkeolog i Italisë, i cili kryesohet nga Dr. Luigi Ugolini, ka zbuluar nga dheu thesare antike të çmuar, me shumë rëndësi në atë pjesë të Shqipërisë, e cila në kohët e Romanëve njihej si Ilyria ose më mirë të themi përbënte një pjesë të saj. Të mbuluara shumë thellë nën dhe, të papunuar, ashtu si kanë patur dyshim prej shekujsh me radhë arkeologët, në Shqipëri janë zbuluar teatro të vjetra, tempuj, banja Romane, faltore të kohës Bizantine dhe një sërë statujash dhe monumentesh funerale të stilit grek dhe roman. Më shumë se 600 vjet me radhë arkeologët italianë kanë qenë të mendjes që thesare të panumërta të qytetarisë greke-romane rrinin të fshehura nën dhe të Shqipërisë. I pari mision arkeolog italian iku nga Roma për në Shqipëri më 1418. Gjithashtu dhe një i dytë më 1435. Asnjëri nuk bëri gërmimet e dëshiruara, nga e para, prej ndodhjes së trubulltë të vendit, e cila bënte të zorshme zbulimin, dhe e dyta, nuk kishin përkrahje financiare.