Ndjehem krenar, që jam shqiptar!

"Mendimi i artistit nuk ka nevojë për pasaportë biometrike dhe heqje vizash" pohon artisti shqiptar Zamir Mati.

Piktori Zamir Mati, prej 20 vitesh jeton larg vendlindjes së tij Tiranës. Ai njihet në Shqipëri për Balonat e famshëm,që edhe sot kujtohen në fushën e aviacionit në Tiranë. Një artist që lirinë e shpirtit të tij donte ta ndante me ajrin. Në një intervistë të dhënë në një nga mediat shqiptare, artisti Mati i cili jeton në Paris dhe është anëtar i “shtëpisë së Artistëve”, ka njoftuar se s shpejti do të jetë edhe në Prishtinë. “Jam gati për të hapur një ekspozitë në Prishtinë” është shprehur artisti “Kam pasur rastin të njoh artistët kosovarë Simon Shirokën, Engjëll Berishën, Shyqyri Nimanin, Agim Cavderbashën, Fatmir Krypën, Blerim Luzhën, Budim Berishën, Muhamet Shalën, Eshref Qahilin etj.

Tani Kosova është e pavarur, por e veçanta në këtë rast është se arti, që zhvillohet në të dy vendet është art shqiptar dhe është një bashkim i natyrshëm që jetojnë prej kohësh me shkëmbimet dhe respektin e ndërsjellë”. Zamir Mati ka vijuar edhe më tej duke i cilësuar artistët me status të profesionit të lirë. “Artisti ka detyra, por edhe shumë të drejta. Kam hapur ekspozita të ndryshme dhe njëkohësisht kam marrë pjesë në mjaft takime ndërkombëtare për balonat ku kam ekspozuar edhe punime me këtë temë. Kontakti me piktorët Michel Lecoque, Yves Leclerc, Valdet Hamiti, Michel Gresier, Claudio Capeli ka qenë një shkëmbim eksperience, ashtu siç ruaj dhe miqësinë me piktorin shqiptar Niko Dhales” ka nënvizuar ai. “Disa vite më parë, kur unë po ngrija balona në 14 korrik në Sheshin "Skënderbej", një gazetare më pyeti se si e ndieja veten në Francë. E ndiej për krenari që jam shqiptar” është sh[prehur ndër të tjera artisti shqiptar.