Adelina: Nuk ma ndjen për Balkan Awards!

Duket si një ide shumë e bukur organizimi i një festivali muzikor ballkanas, ku artistët shqiptarë dhe ata të vendeve fqinje do të kenë mundësinë të njohin dhe prezantojnë më nga afër punët e njëri -tjetrit. Por, nuk është e thënë! Fatkeqësisht ne ballkanasit dhe në muzikë do gjejmë mënyra për tu grindur e për të shkaktuar dhimbje. Tek po shikoja listën e shteteve pjesëmarrëse në këtë festival, vura re se Kosova nuk ishte pjesëmarrëse. Përse? Shteti organizator - Bullgaria, e njeh Kosovën si shtet të pavarur dhe nuk ka përse të ketë probleme me pjesëmarrjen e saj.

Në të njëjtën kohë kanali televiziv Balkanika MTV, i cili transmeton video nga mbarë Ballkani, gjithashtu transmeton video të artistëve nga Kosova, bile në nominimet për Këngën më të mirë nga Shqipëria" dallohet dhe emri i këngëtares nga Kosova, Genta Ismajli. Pra, përse nuk ka kategori më vete Kosova, si çdo shtet tjetër i Ballkanit? A duhet që për hir të Serbisë, Kosovës t'i kthehet shpina në gati çdo eveniment? Përse

mos të mungonte Serbia? Po nuk ishte vetëm mungesa e Kosovës që më ra në sy. Në listën e nominimeve për çmimet e Ballkanit "Këngëtari/ Këngëtarja/Videoja më e mirë e vitit" nuk figuronte asnjë prej artistëve tanë. Fol për nënvleftësim. Pastaj... çne Genta Ismajli me këngë të vjedhur në këtë konkurrim? Po Soni dhe Flori? Këngët e tyre nuk kanë as videoklipe!!! Hajde përfaqësim hajde! Si u përzgjodhën këto këngë? Nejse...

Unë mendoj se Elvana me "Turn U On" do jetë fituese dhe e meriton. Ajo duhet të ishte pretendente përkrah Inna dhe Hadise, të cilat mund të kenë hite në mbarë Europën falë një promovimi të mirë, por kanë vokal shumë më të dobët dhe sigurisht... për bukuri as nuk diskutohet. Na, se më hipi një atdhetarizëm i paparë tani hahahahaha. Po, inqerisht! Mirë këta se gjithmonë kështu kanë qenë po ne përse duhet t'i shkojmë mbrapa?

Nuk kisha ndërmend të shkruaja ndonjë gjë rreth këtij festivali, por mënyra si u rezantua në shtypin shqiptar më irritoi. Askush nuk e përmendte mungesën e Kosovës apo Adelina Ismaili Nuk ma ndjen për "Balkan Awards"! mënyrën e çuditshme të nominimeve.

Pse e ulim kaq veten për një festival? E çfarë do ndodh, do gjejnë Shqipëri tjetër? A ka reklamë më të mirë se refuzimi i një eventi të tillë? Jam vërtetë i irrituar, sepse kemi artistë shumë të mirë, të cilët kanë prodhuar këngë 100 herë më të mira se ajo "Stin Pira" e Anna Vissit, e cila jo vetëm është një këngë e dobët, por dhe një imitim i keq i Madonne e për më tepër shkon dhe nominohet në disa kategori. Përse? Është greke

dhe më e njohur? Shumë mirë le të marri çmimin për "Kontributin e Popullarizimit të

Muzikës së Ballkanit" e të rrijë rehat apo nuk i mjafton? Ç'u bë këtu Whitney Houston (Le të bëjmë një pushim të shkurtër nga këto. E morët vesh? Whitney Houston skandal në Angli! Dështim total në koncert aq sa spektatorët kishin filluar ta fishkëllenin dhe

kërkuan mbrapsht lekët e biletës! Gallatë!)

Ok! Sërish ne Ballkan! Ky festival, i cili do të transmetohet nga televizioni "Klan" do të mbahet nëse Sofie të Bullgarisë dhe e ka finalen më 16 maj, ku do të prezantohen fituesit e të gjitha kategorive edhe pse fituesit e çdo shteti do bëhen të ditur paraprakisht

më njëzet prill. Ende nuk dihet nëse ndonjë prej artistëve shqiptarë do ngjitet për të interpretuar në skenë, por sapo ta mësojmë do ja bëjmë të ditur. Ndërkohë, teksa po shkruaja këtë shkrim më ra rasti të bisedoja me këngëtaren e njohur Adelina Ismaili, të cilën e pyeta se çfarë mendon në lidhje me mungesën e Kosovës në "Balkan Awards" dhe mungesën e saj në listën e nominimeve? Ja se çfarë tha Adelina: "Nuk çuditem pse nuk jam e nominuar, unë nuk kam asnjë kontakt në Balkanika, sepse nuk më ka interesuar kurrë. Ju e dini, Kosova nuk përfaqësohet fare në këtë televizion, ndërsa Shqipëria me sa duket po, ka një person përfaqësues në Balkanika, por unë nuk

e di se kush është. Nuk di as si kanë arritur klipet e mia në këtë televizion, por me këto çështje merret SUISA (Agjencia Europiane e Mbrojtjes së të Drejtave të Autorit). Gjithsesi besoj që vendimtare për mosnominimin tim ka qenë kënga e fundit "Urdhër i Ri ILLYRIC", ku unë Ballkanin e kam quajtur Iliria, dhe ju e dini që ky televizion është

prosllav. Thënë thjesht, nuk ma ndjen fare për "Balkan Awards", kur po përgatitem të editoj album në Europë".

Balkanika MTV filloi transmetimet e saja në territorin ballkanas më 15 gusht 2005, duke transmetuar muzikë nga të gjitha shtetet e gadishullit. Është pjesë e "Fan TV LTD" me qendër në Sofje të Bullgarisë. Ky është edicioni i parë i çmimeve "Balkan Awards", të cilat jepen sipas vlerësimeve të spektatorit ballkanas dhe përzgjidhen nga "Akademia Muzikore e Ballkanit". Kjo e fundit do jetë ndonjë kushërirë e "Academy of Motion Pictures, Arts and Sciences" në Hollivud se as unë e as njerëzit që unë pyeta nuk kishin dëgjuar ndonjë gjë për ekzistencën e saj. Sidoqoftë, një gjë e kemi të sigurt! Diku në Sofje më 16 maj, një shqiptar nuk do fitojë ndonjë çmim ballkanas!