Retrospektivë në Hollivudin e viteve të ’80-ta

“Studiot e filmit në Hollivud kanë prekur majat, falë projekteve të vitit 1980,që paraqesin një nismë moderne të projekteve aktuale”,- thotë David Gritten.

Para pak ditësh, disa studio të filmit në Hollivud, kanë nisur një projekt frymëzues, që përmban realizimin e filmave tëri, bazuar në vitet e ’80-ta.

Një lajm vërtetë interesant, kur kihet parasysh fakti se shumica e produkteve filmike, kohët e fundit po realizohen në versionin 3D. Dhe nëse kthehemi në të kaluarën, secili nga ne përjeton nostalgji për kinemanë e viteve ’80-’90-ta: muzikë sintetike, me një stil të veçantë të kostumografisë. Disa nga filmat e vitit 1980, që janë përzgjedhur të rishfaqen në ekranin e madh, por tashmë me një kastë tjetër aktorësh dhe me disa ndërhyrje të vogla, janë filmat “Conan the Barbarian”, “Tron”, “Police Academy”, “Ghostbusters”, “The Neverending Story” etj.

Mirëpo në lidhje me këtë, jo të gjithë janë të pajtimit, kështu disa nga mediat kanë deklaruar se një gjë e tillë është absurde, duke e cilësuar si nostalgji të rastit të ndonjërit prej udhëheqësve të këtyre studiove. “Kur mësohesh me lajme dëshpëruese, që rrjedhin nga Hollivudi, nuk do të mungonte një element i vogël siç është rasti me retrospektivën absurde të filmit të viteve të 80’ta”,- kanë deklaruar mediat.

Mirëpo një nga koproducentët e filmit të njohur “Ghostbusters”, David Gritten, ka kundërshtuar këta zëra duke vlerësuar se filmat, që sot Hollivudi i servon publikut, frymëzohen pikërisht nga vitet e ’80-ta.