Hyka s’do të jetë në Mainz

Futbollisti shqiptar, Jahmir Hyka, nuk do të jetë më pjesë e skuadrës
së Mainzi, anëtare e elitës së futbollit gjerman. Hyka pritet të shkojë
në ndonjë klub të ri, por ende nuk dihet destinacioni i tij. FC Mainzi
ka bërë të ditur se është në pritje të ofertave për talentin shqiptar, i
cili u transferua me shumë bujë te ky klub në verën e vitit 2008, por
që në fund rezultoi një dështim. Hyka për dy kampionate radhazi ka pasur
vetëm 13 paraqitje në klubin gjerman, nga të cilat 8 në Bundesligë dhe 5
në Bundesligën 2. Interesant ka qenë se Hyka për asnjë çast nuk ka
mundur t’ia mbushte mendjen trajnerit të kësaj skuadre, i cili në më
shumë se gjysmën e këtyre ndeshjeve e ka aktivizuar si zëvendësues.