Adoleshenti arrin majën e Everestit

Një 13 vjeçar nga Shtetet e Bashkuara është ngjitësi më i ri në histori që arrin Majën e Everestit. Jordan Romero u ngjit në mal nga pjesa kineze e Himalajeve, ku nuk ka ndonjë kufizim përsa i takon moshës së lejueshme për të bërë ngjitjen.
I shoqëruar nga i ati dhe guidat vendase, 13 vjeçari Jordan Romero që është nga Big Bear në Kaliforni, është më i riu në botë që qëndron në malin më të lartë. Kur arriti në majë, ai telefonoi nënën e tij përmes një telefoni satelitor dhe për t'i thënë se ishte në majën e botës.
Mali i Everestit është sfida më e fundit për këtë alpinist adoleshent, që është ngjitur në Kilimanxharo kur ishte vetëm 9 vjeç.
Jordan thotë se është frymëzuar të bëhet alpinist nga një fotografi në hollin e shkollës ku janë majat më të larta në shtatë kontinente.
Rekordin për alpinistin më të ri në moshë e mbante deri tani Temba Tsheri nga Nepali, që ishte vetëm 16 vjeç kur arriti majën e Everestit. /