Adelina Ismajli vendos të bojkotojë “Video Fest”

Albatros shkruajti:

Këngëtarja Adelina Ismaili kohët e fundit po gëzon një sukses të jashtëzakonshëm në Evropë, përfshirë këtu koncertet dhe klipet e saj të cilat pëlqehen në masë të madhe. Tirazhi i parë i edituar i DVD-së së promovimit të albumit të fundit “Fenix”, që është edituar nga “Media Markt” me seli në Zvicër, është shitur komplet, ndërkohë Adelina po bën negociata për nxjerrjen në treg të tirazhit të dytë të kësaj DVD. Këtu përfshihen disa shtete tjera evropiane ku rrjeti i madh “Media Markt” ka shtrirje. Sipas Panorama plus” thuhet se tashmë këngëtarja ka nënshkruar kontratë të re me kompaninë në fjalë, e cila është pikëshitje e shumë produksioneve të mëdha botërore siç është edhe “Universal Records”, për editimin e albumit të saj të ri për Europën që pritet të hidhet në treg diku nga viti i ardhshëm. Në anën tjetër klipi i saj “Tribalb” po gëzon popullaritetin më të madh gjatë gjithë kohës. Pasi fitoi çmimin e madh duke u shpallur klip i vitit në festivalin "Zhurma Show" në Kosovë , ky klip është në konkurrencë te festivali “Netët e Klipit Shqiptar”, duke u pozicionuar në vendin më të lartë nga votat e publikut në internet. Gjithashtu, i njëjti klip është nominuar në disa kategori te festivali “Video Fest”.

Sipas të njëjtin burim Adelina ka vendosur ta bojkotojë kwtw festival, siç e ka bojkotuar edhe vite të tjera, dhe se hera e fundit që ka qenë pjesëmarrëse në këtë festival ishte viti 2004. Arsyeja e bojkotimit është pasi në të njëjtin festival fitojnë produksionet dhe këngëtarët që bashkëpunojnë me organizatorët, dhe asnjëherë klipe të tjera. Si duket ky festival këtë vit do të mbetet i bojkotuar nga një numër i madh këngëtarësh më të popullarizuar shqiptar siç është edhe rasti i Genta Ismailit apo Zanfina Ismailit, të cilat janë të nominuara në vetëm një apo asnjë kategori. Kjo nënkuptohet pas prononcimit të Zanfinës e cila para publikimit të nominimeve, publikisht është shprehur: “Kurrë dhe asnjëherë në Video Fest”. Mësohet që menjëherë pas kësaj deklarate të Zanfinës, organizatorët larguan dy klipet e saj nga 3 nominime.