Lorik Cana, mashkulli shqiptar më seksi i dekadës

Për 4000 pjesëmarrësit në sondazhin “Mashkulli shqiptar me seksi në 10 vitet e fundit”, organizuar në Facebook nga revista femërore “Anabel”, nuk ishte aspak e çuditshme fitorja e Lorik Canës. Që në ditën e parë të publikimit të sondazhit, futbollisti shqiptar i Kombëtares, i cili aktualisht luan për skuadrën e Sunderland, u diferencua mjaft me vota nga 59 kandidatët e tjerë. “Një mashkull i vërtetë”, ishte përcaktimi i një pjese të mirë të votuesve për Lorikun. Në sondazhin 3-ditor, më i madhi i këtij lloji i organizuar ndonjëherë në Shqipëri, konkurronin 60 meshkuj të njohur nga fusha e artit, sportit dhe televizionit. “Përzgjodhëm meshkuj të cilët janë lakuar nga media apo nga fanclub-e online si tërheqës, gjatë 10 viteve të fundit. Nuk e prisnim të kishte një fluks aq të madh votash”, – thotë Dalina Buzi, kryeredaktore e “Anabel”. Më pak i votuari, vetëm me 11 vota, u rendit këngëtari nga Kosova, Blero.