Berisha i magjepsur pas Argjentinës: ''Ishte si furtunë në fushë''

Berisha komentoi me deputetët ndeshjet e fundit të zhvilluara nga ekipet më të njohura të futbollit. "Do ta mbyll natyrisht dhe nuk mund të lë pa përmendur zhvillimet e mëdha të djeshme në Afrikën e Jugut. Duke falënderuar miqtë e mi që me telefon, më rikujtuan për ndeshjet e mëdha që po zhvilloheshin dhe unë lash atë që kisha para dhe iu drejtova TV. Mund të them se ndeshjet e djeshme ishin perla të vërteta në historinë e futbollit botëror. Por, unë si jo ekspert pashë dy gjëra, do t'i lejoj vetes të bëj dy komente.

Një Argjentinë që më kujtoi Holandën e kulmit të saj. Një Argjentinë furtunë, e shpejtësive të papapara ndonjëherë në stadium dhe një Gjermani me një përgatitje fizike dhe programim të shkëlqyer, i kishte të dyja që i dhanë fitoren asaj. Kishte një programim preciz, të fuqishëm, të paparashikueshëm. Atë që bëri arbitri ishte një marrëzi, sepse ai ishte një gol i qartë dhe i sigurtë, por nuk mund të them se Gjermani nuk demonstroi një shkallë të lartë. Pra, mund t'u them se m'u prish axhenda, e kisha ndërmend të shikoja vetëm ndeshjet e fundit, tani po pres të shoh më 3 korrik që është pothuajse finalja, Argjentina dhe Gjermania.

Do t'i ndjek të gjitha, po ajo e tregoi se është faktikisht finalja, por ndoshta jo. Argjentina kishte një përgatitje atletike të paimagjinueshme. Ajo çka mund të them është se unë nuk jam fare tifoz, por keqardhje kam ndier për të dyja, edhe për Italinë, edhe për Francën, por edhe për Anglinë, se këto mund të dilnin të paktën në gjysmëfinale, por nuk e shtynë dot, gjeopolitika është gjeopolitikë, jo më kot u çuan në Johanesburg, e kishte dhe ajo kuptimin e vet. Për ta mbyllur, dje filluan ta ndjekin kampionatin ata që do t'i quaja jo bastexhinj dhe ftoj të gjithë politikën të bashkohemi me qytetarët dhe të ndjekim kampionatin", u shpreh Kryeministri. BotaSot