Paris 2010

Makinat më të reja që çmendën Autoshow-n më të madh në botë
Hardcore... Maserati
Kjo është një ndër modelet më të forta, të shpejta dhe të lehta të kompanisë italiane. Maserati e re përfaqëson përvojën dhe teknologjinë e kompanisë me kulmin e vet motorin V8 të 4.7 litrave, fuqia e të cilës është rritur në 450 PS. Për sa u përket arritjeve të saj të para, njoftimet thonë se shpejtësia maksimale nuk tejkalon 300 km/h, ndërkohë që arritja nga 0 në 100 km/h arrihet në më pak se 4.5 sekonda!
Range Rover për… 35 mijë euro!
Pas muajsh provash dhe deklaratave se është e veçantë, Range Rover Evoque mori përfundimisht pamjen përfundimtare. Për herë të parë britanikët bënë publike të dhënat dhe fotografitë e makinës që vlen 35 mijë euro! Pjesa e brendshme duket fantastike dhe e pasur me veshje lëkure, përzgjedhës shpejtësish të rrotullueshëm për gjashtë marshet, dy ekrane me prekje 8-polësh, që bën që shoferi dhe pasagjeri i parë të shohin të dhëna të ndryshme në ekran etj.
BMW sjell konceptin e serisë 6 kupe
Në panairin e automjeteve në Paris, i cili mbahet në fund të këtij muaji BMW do të heqë vellon nga koncepti i serisë 6, i cili duket të jetë çdo gjë, pos koncept. Mund të pritet që seria e re 6 do t’i përshtatet paraardhëses së saj sa i përket gjatësisë, ndoshta do të duhej të jetë pak më e ulët dhe më e gjerë, e kur merret parasysh se do të ndajë platformën me serinë e re 5, nën kapak presim të shohim një paletë të gjerë motorësh me benzinë dhe naftë, përfshirë ata atmosferikë dhe me turbo-mbushës me gjashtë shpejtësi deri tek 4.4-litërshi bi-turbo V8 me benzinë.
Mustang më i fuqishëm dhe më i mirë
Kur u paraqit gjatë këtij viti Shelby GT500 Super Snake, versioni i të popullarizuarit Mustang, të gjithë pajtoheshin se pikërisht ky ishte Mustangu më i mirë dhe më i shpejtë, i cili ishte prodhuar ndonjëherë. Megjithatë, Shelby për vitin e ardhshëm ka përgatitur një version edhe më të fuqishëm. Në fillim të vitit 2011 në tregun e modeleve supersportive apo si njihen “automjete me muskuj” do të paraqitet Mustangu, i cili po ashtu do të bart emrin Shelby GT500 Super Snake, por ai do të dallojë bukur shumë nga versioni i sivjetmë. Carol Shelby dhe filiali i saj nuk kanë qenë të kënaqur me 750 kuaj fuqi, sa i prodhon modeli aktual Super Snake, prandaj modeli i vitit 2011 do të ketë në dispozicion 800 kuaj fuqi, derisa për blerësit më modest edhe më tutje do të mbesin në ofertë versionet me 750 e 660 kuaj fuqi.
Surpriza e Audit ka 350 kuaj fuqi
Supozimet e medieve jo fort rrallë dalin të janë të vërteta, e sipas këtyre të fundit Audi në panairin e automjeteve në Paris, i cili mbahet së shpejti, do të duhet të paraqesë modelin RS3. Raketa kompakte nga Ingolstadt, sipas gazetarëve automobilistikë, do të ofrohet ekskluzivisht në versionin me pesë dyer, ai do të ketë motorin 2.5-litërsh me turbo-mbushës dhe pesë cilindra me benzinë nga TT-RS, i cili nën kapakun e RS3 do të duhej të zhvillojë 10 kuaj fuqi më shumë, respektivisht 350 KF! Fuqia në të katër boshtet do të transmetohet në mënyrë integrale me anë të marshit të ri automatik prej shtatë shpejtësish S-tronic me dy lidhje, e pjesëtarët e “fuqisë së shtatë” supozojnë se automjeti ka kaluar nëpër një dietë të fortë, demek ka humbur bukur disa kilogramë.