Wimmer RS shndërrohet ne Golf R

Nëse 270 kuaj fuqi dhe momenti i rrotullimit prej 350 Nm u është dukur tepër pak për versionin më të fuqishëm të Golf R të Volkswagenit, kompania për përpunimin e automjet Wimmer RS ka një zgjidhje të çmendur.

Prapa emrit Red Devil (Djalli i Kuq) fshihet një përpunim i madh i automjetit të djegës kompakt të Volkswagenit. Ekipi i Wimmer RS ka përpunuar pothuajse secilën pjesë të automjetit, e gjykuar sipas raportit për media, ata më së shumti vëmendje i kanë kushtuar motorit dylitërsh TSI.

Duket se në Wimmer RS kanë vendosur të zëvendësojnë dhe të avancojnë pothuajse të gjitha pjesët e motorit, pos bllokut të tij. Ndryshimet kanë të bëjnë me klipat e ri, kokën e motorit, turbo-mbushësin, filtrin e ajrit, sistemin e djegies së karburantit, etj.

Rezultati përfundimtar? 478 kuaj fuqi dhe moment rrotullimi prej 610 Nm, të cilat Golfit të përpunuar nga Wimmer i mundësojnë të arrijnë shpejtësinë maksimale prej 291 km/h. Për fat të keq, gjermanët e kanë fshehur të dhënën se sa kohë i nevojitet që prej shpejtësisë zero të arrij në 100 kilometra në orë, por kur merret parasysh se automjeti ka transmetim integral të fuqisë, mund të pritet që kjo kohë të jetë më e shkurtër se pesë sekonda. Çmimi i tij nuk është bërë publik.