Skype integron më thellë rrjetin social Facebook

Me integrimin me Facebook dhe me aftësinë për të bërë video biseda në grup, Skype është duke vazhduar më tej rrugën për tu bërë softuer më shoqëror.
Faqja që lejon thirrje pa pagesë me zë dhe video, ka bërë të ditur ndryshimet përmes një videoje të postuar në blogun zyrtar gjatë ditës së enjte. Skype i ri për Windows do të përfshijë një ndarje të veçantë për Facebook që do t’iu mundësojë atyre të shohin lajmet nga rrjeti social gjersa ata bisedojnë. Veçoria gjithashtu do t’i mundësojë atyre që të thirrin miqtë e tyre në Facebook me një klikim të vetëm në ndarjen përkatëse, nëse ata miq kanë një numër për thirrje në listat në Facebook.

“Esenca e përvojës së Skype është komunikimi me njerëzit që ju interesojnë, qofshin ata miq apo familjarë që jetojnë një qytet më tej, apo në anën tjetër të botës” tha Rick OSterloh, lider i produkteve për konsumatorë pranë Skype.

Lajmi arrin pasi Facebook ka bërë të ditur se do të bashkëpunojë me Microsoft Bing për të shfaqur në rezultatet kërkese edhe profilet e Facebook, postimet nga miqtë dhe veçori tjera në rezultatet e kërkimit. “Ne jemi duke punuar me kompani si Skype për ta bërë më të lehtë gjetjen e miqve tuaj në çdo moment që ju lidheni” u shpreh në një blog post Ethan Beard, zhvilluesi udhëheqës i rrjetit pranë Facebook.

Videot thirrjet në grup, cilësohen në beta formë dhe ofrohen pa pagesë për testim. Blog posti i sotëm nuk tregoi sa do të kushtojë ajo dhe kur do të kalojë fazën beta. Osterloh tha se përdoruesit shpenzojnë një mesatare prej 520 milion minutave në Skype, çdo ditë. Video thirrjet numërojnë 40 për qind të trafikut Skype-to-Skype gjatë gjysmës së parë të këtij viti, vazhdohet më tej në blog post. Përdoruesit gjithashtu mund të përdorin Skype për thirrje tokësore apo për të thirrur në celularë, për një taksë të caktuar.

Versioni i ri është i gatshëm për shkarkim qysh prej ditës së sotme, megjithëse nuk është bërë e ditur a do të ketë versione për Mac apo Linux. Ndërfaqja e versionit të ri për Windows, gjithashtu është thjeshtësuar dhe ka një pamje të re dhe një panel të ri të kontrollimit.